គ្រូបង្រៀនអាមេរិកបរិច្ចាគតម្រងនោម និងកែវភ្នែកឲ្យអ្នកជំងឺចិន ក្រោយជួបគ្រោះអកុសល
- 2017-10-12 02:02:18
- ចំនួនមតិ 0 | ចំនួនចែករំលែក 0
គ្រូបង្រៀនអាមេរិកបរិច្ចាគតម្រងនោម និងកែវភ្នែកឲ្យអ្នកជំងឺចិន ក្រោយជួបគ្រោះអកុសល
ចន្លោះមិនឃើញ
គ្រូបង្រៀនជនជាតិអាមេរិកម្នាក់ បានសម្រេចបរិច្ចាគតម្រង់នោម និងកែវភ្នែកទាំងពីរឲ្យទៅអ្នកជំងឺជនជាតិចិនកាលពីថ្ងៃពុធ បន្ទាប់ពីលោកបាត់បង់ជីវិតនៅខេត្តជាំងស៊ូ ភាគខាងកើតប្រទេសចិន។
លោក Amery Soctt មកពីរដ្ឋវ៉ាស៊ីនតោន សហរដ្ឋអាមេរិក ជាគ្រូបង្រៀនភាសាអង់គ្លេសនៅទីក្រុង Changshu។ លោកបានកើតជំងឺដាច់សរសៃឈាមខួរក្បាលនៅរាត្រីទី ១តុលា និងទទួលមរណភាពនៅថ្ងៃអង្គារទី ១០តុលា។
តម្រង់នោម និងកែវភ្នែករបស់គាត់ ត្រូវបានប្រគល់ជូនអ្នកជំងឺជនជាតិជនជាច្រើននាក់។ នេះបើតាមការបញ្ជាក់របស់វេជ្ជបណ្ឌិតនៅមន្ទីរពេទ្យសាកលវិទ្យាល័យ Soochow ទីក្រុង Suchou។
នៅថ្ងៃទីមួយ តុលាជាថ្ងៃបុណ្យឈប់សម្រាក លោក Scott បានសរសេរតាមរយៈបណ្ដាញសង្គម Wechat ថា " ក្ដីប្រាថ្នាចុងក្រោយបំផុតសម្រាប់ថ្ងៃនេះ គឺថាប្រទេសកំណើតខ្ញុំ និងប្រទេសកំពុងស្នាក់នៅបច្ចុប្បន្នបន្តលូតលាស់ដោយសន្តិភាព និងវិបុលភាព"។ លោកយល់ព្រមបរិច្ចាគសរីរាង្គជាយូរមកហើយ ចាប់តាំងពីរៀនយកប័ណ្ណបើកបរនៅសហរដ្ឋអាមេរិកមកម្ល៉េះ៕