ពូទីន ទទួលបានកាដូគាប់ចិត្ត ពីមេដឹកនាំទួរមេនីស្ថាន សម្រាប់ខួបកំណើតអាយុ ៦៥ឆ្នាំ

2017-10-12 02:21:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានាធិបតីរុស្ស៊ី វ្ល៉ាឌិមៀ ពូទីន ដែលជាអ្នកស្រលាញ់ចូលចិត្តសត្វសុនខ បានទទួលកាដូសត្វសុនខមួយក្បាល កាលពីថ្ងៃពុធ ម្សិលមិញនេះ ពីមេដឹកនាំប្រទេសទួរមេនីស្ថាន ដែលជាអំណោយសម្រាប់ថ្ងៃខួបកំណើតរបស់ លោក ពូទីន។

សត្វសុនខនោះជាប្រភេទពូជ Albai របស់ប្រទេសទួរមេនីស្ថាន ដែលបានបង្កាត់ពូជជាមួយសត្វសុនខពូជ Shepherd Dog នៅអាស៊ីកណ្ដាល។

គួរឲ្យដឹងថា កាលពីថ្ងៃទី០៧ ខែតុលា ឆ្នាំ២០១៧ កន្លងទៅនេះ ទូរទស្សន៍រុស្ស៊ីមួយ បានផ្សាយតាមកញ្ចក់ទូរទស្សន៍ បង្ហាញឲ្យឃើញ មេដឹកនាំរុស្ស៊ី ពូទីន មានភាពរីករាយយ៉ាងខ្លាំង ដោយប្រារព្ធខួបកំណើត អាយុ៦៥ឆ្នាំរបស់ខ្លួន ហើយបានចាប់កាន់ និងថើបសត្វសុនខមួយក្បាល ឈ្មោះ Verny ឬមានន័យជាភាសារុស្ស៊ី ថា ស្មោះត្រង់ ក្នុងអំឡុងកិច្ចប្រជុំមួយនៅទីក្រុង Sochi ប្រទេសរុស្ស៊ី។

ជាមួយគ្នានេះដែរ មេដឹកនាំមកពីប្រទេសជប៉ុន និងប៊ុលហ្គារី ក៏បានឲ្យកាដូសត្វសុនខទៅកាន់ ពូទីន ផងដែរ ប៉ុន្តែសត្វសុនខសំណព្វចិត្តរបស់លោក គឺជាសុនខពូជ Labrador ពណ៌ខ្មៅ មានឈ្មោះថា Koni ដែលជាអំណោយរបស់រដ្ឋមន្ត្រីក្រសួងការពារជាតិរុស្ស៊ី Sergei Shoigu។ មិនតែប៉ុណ្ណោះ Koni ក៏បានបង្ហាញខ្លួន ក្នុងអំឡុងកិច្ចប្រជុំមួយជាមួយអធិការបតីអាល្លឺម៉ង់ លោកស្រី Angela Merkel កាលពីឆ្នាំ២០០៧ ផងដែរ។

នៅពេលនោះ លោកស្រី Angela Merkel ដែលធ្លាប់ត្រូវសត្វសុនខខាំម្ដង មានទឹកមុខភ័យខ្លាចខ្លាំងណាស់ នៅពេលដែល Koni ដើរទៅជិត៕

ចុចអាន៖

ប្រភព៖ CNN ប្រែសម្រួល៖ សេង ឡុង