ចង់ស្អាតពេក ទៅកែសម្ផស្ស ប៉ះចំពេទ្យក្លែងក្លាយ លទ្ធផលចុងក្រោយ គួរឲ្យរន្ធត់!

2017-10-12 03:41:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ផ្ទៃមុខរបស់បុរសជនជាតិកូឡុំប៊ីម្នាក់ កំពុងតែរលួយខ្លាំង បន្ទាប់ពីទទួលការវះកាត់កែសម្ផស្សថ្ពាល់ ពីគ្រូពេទ្យក្លែងក្លាយម្នាក់។

លោក Jerson Trujillo ក្រោយពេលទទួលការកែសម្ផស្ស

បុរសរងគ្រោះខាងលើ មានឈ្មោះថា Jerson Trujillo អាយុ ២៨ឆ្នាំ បានឆ្លងកាត់ការវះកាត់ថ្ពាល់ ព្រោះតែចង់បានសម្រស់កាន់តែស្រស់ស្អាត ដូចមនុស្សស្រី ប៉ុន្តែការវះកាត់បែរប្រព្រឹត្តទៅខុសប្រក្រតីយ៉ាងធ្ងន់ធ្ងរ។ ជំនួសឲ្យផ្ទៃមុខស្រស់ស្អាត ដែលលោក Jerson ចង់បាន បច្ចុប្បន្នផ្ទៃមុខរបស់លោក កំពុងទទួលរងការខូចទ្រង់ទ្រាយយ៉ាងធ្ងន់ធ្ងរ។

លោក Jerson Trujillo មុនពេលទទួលការកែសម្ផស្ស

ទោះបីជាយ៉ាងណា លោក Jerson ដែលមកពីទីក្រុង Neiva បានឆ្លងកាត់ការវះកាត់ ចំនួន៤ដងមកហើយ ដើម្បីព្យាយាមព្យាបាលផ្ទៃមុខដែលខូចខាត ដែលបណ្ដាលមកពីគ្រូពេទ្យក្លែងក្លាយនោះ។

លោក Jerson បានប្រាប់អ្នកយកព័ត៌មានក្នុងស្រុកថា «ខ្ញុំមិនដឹងថា ពួកគេបានដាក់អ្វីចូលក្នុងខ្លួនខ្ញុំឡើយ។ ផ្ទៃមុខរបស់ខ្ញុំ ត្រូវបានបំផ្លាញ រលួយ និងមានខ្ទុះចេញមក»។ បុរសរូបនេះបានបន្ថែមថា ផ្ទៃមុខរបស់លោកបានប្រែទៅជាពណ៌ក្រហម និងក្ដៅ បន្ទាប់ពីគ្រូពេទ្យបានចាក់សារធាតុរាវអាថ៌កំបាំងម្យ៉ាងចូលទៅ៕