ការពិតដ៏ភ្ញាក់ផ្អើលទាំង៥ អំពីភពផែនដី មនុស្សភាគច្រើន មិនធ្លាប់ដឹង

2017-10-14 04:03:19
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកវិទ្យាសាស្ត្របានរកឃើញរឿងរ៉ាវដ៏គួរឲ្យភ្ញាក់ផ្អើលជាច្រើន អំពីចក្រវាលនេះ។ ប៉ុន្តែពួកគេជឿជាក់ថា នៅមានរឿងរ៉ាវជាច្រើនទៀត ដែលត្រូវរុករក និងបកស្រាយ នៅលើភពមួយ ជាពិសេសគឺភពផែនដីផ្ទាល់តែម្ដង។

ខាងក្រោមនេះគឺជាការពិតដ៏ភ្ញាក់ផ្អើល ទាំង៥ អំពីភពផែនដី ដែលមនុស្សភាគច្រើន មិនធ្លាប់ដឹងពីមុនមក៖

#១ Everest មិនមែនជាភ្នំខ្ពស់បំផុតលើពិភពលោកឡើយ

ភ្នំ Mauna Kea ស្ថិតនៅរដ្ឋ Hawai សហរដ្ឋអាមេរិក មានកម្ពស់ ៤ ២០៥ម៉ែត្រ ខាងលើកម្រិតទឹកសមុទ្រ។ ទោះជាយ៉ាងណា ផ្នែកធំបំផុតនៃភ្នំភ្លើងនេះ ស្ថិតនៅក្រោមកម្រិតទឹកសមុទ្រ។ ដូច្នេះប្រសិនបើវាស់ពីគ្រឹះខាងក្រោមមក ភ្នំ Mauna Kea មានកម្ពស់រហូតដល់ទៅ ១០ ២០៣ ខណៈភ្នំ Everest មានកម្ពស់ត្រឹមតែ ៨ ៨៤៨ម៉ែត្រប៉ុណ្ណោះ ពោលគឺខ្ពស់ជាង ១ ៣៥៥ម៉ែត្រ។

#២ កន្លែងស្ងួតបំផុតនៅលើផែនដី មានទីតាំងនៅអង់តាកទិច

ជាទូទៅ គេជឿថា កន្លែងស្ងួតបំផុតនៅលើផែនដី គឺស្ថិតនៅវាលខ្សាច់ Atacama Desert ក្នុងប្រទេសឈីលី ដែលគ្មានភ្លៀងធ្លាក់រាប់ពាន់ឆ្នាំមកហើយ។ ប៉ុន្តែ ជ្រលង McMurdo Dry Valleys នៅអង់តាកទិច គ្មានភ្លៀងធ្លាក់រយៈពេលជិត ២លានឆ្នាំមកហើយ។ ខ្យល់នៅទីនោះ អាចមានល្បឿនរហូតដល់ទៅ ៣២០គីឡូម៉ែត្រក្នុងមួយម៉ោង។

#៣ ទឹកសាបមានតែ ៣ភាគរយប៉ុណ្ណោះ នៃទឹកទាំងអស់នៅលើផែនដី

មហាសមុទ្រ និងសមុទ្រ កាន់កាប់ ៩៧ភាគរយនៃទឹកនៅលើផែនដី ប៉ុន្តែទឹកសមុទ្រដែលមានជាតិប្រៃ មិនអាចប្រើសម្រាប់ផឹកបានឡើយ។ ទឹកសាបសរុបចំនួន ៣ភាគរយ ត្រូវបានផ្ទុកនៅក្នុងផែនទឹកកក (៧០ភាគរយ) និង បឹង Lake Baikal ប្រទេសរុស្ស៊ី (២០ភាគរយ)។

#៤ ប្រាសាទចំណាស់បំផុតនៅលើពិភពលោក មានអាយុកាលប្រហែល ១២ ០០០ឆ្នាំ

Göbekli Tepe គឺជាប្រាសាទចំណាស់បំផុតនៅលើពិភពលោក ដែលស្ថិតនៅភាគខាងត្បូងប្រទេសតួកគី។

#៥ ក្នុងរយៈពេល ២៥០លានឆ្នាំ ទ្វីបនឹងជួបជុំគ្នា

ដូចដែលយើងបានដឹង មហាទ្វីប Pangea ដែលមានតាំងពី ៣៣៥ ទៅ ១៧៥ឆ្នាំមុន បានដាច់ចេញជាទ្វីប ២ ខុសៗគ្នា បង្កើតបានជាទ្វីប Laurasia និង Gondwana។ ក្រោយមក ទ្វីបទាំង២នេះ បានដាច់ចេញ បង្កើតជាទ្វីបចំនួន ៧ ទៀត។ ប៉ុន្តែក្រុមអ្នកវិទ្យាសាស្ត្រជឿជាក់ថា ទ្វីបទាំងនោះនឹងប្រមូលផ្ដុំគ្នាម្ដងទៀត ក្នុងរយៈពេលពី ២៥០ ទៅ ៣០០លានឆ្នាំ រាប់ចាប់ពីពេលនេះទៅ ហើយនឹងក្លាយជាមហាទ្វីបតែមួយ មានឈ្មោះថា Pangaea Ultima៕