មិនធម្មតា ពេជ្រ ថៃ លើកពានជាមួយដំណើរកម្សាន្តក្រៅប្រទេស
- 2017-10-15 02:31:28
- ចំនួនមតិ 0 | ចំនួនចែករំលែក 0
មិនធម្មតា ពេជ្រ ថៃ លើកពានជាមួយដំណើរកម្សាន្តក្រៅប្រទេស
ចន្លោះមិនឃើញ
បន្ទាប់ពីប្រកួតអស់រយៈពេលជាច្រើនសប្ដាហ៍កន្លងមកនេះ កម្មវិធីប្រឡងចម្រៀងលំដាប់ថ្នាក់ពិភពលោក The Voice Kids Cambodia រដូវកាលទី១បានរកឃើញម្ចាស់ជយលាភីហើយ បានទៅលើកុមារា ពេជ្រ ថៃ មកពីខេត្តបាត់ដំបង កាលពីយប់នេះ។
ក្រៅពីកាន់ពានក្នុងកម្មវិធី The Voice Kids Cambodia រដូវកាលទី១ សរុបជាទឹកប្រាក់ ១០០ លានរៀលហើយនោះ ពេជ្រ ថៃ ដែលជាក្រុមកំពូលតារាចម្រៀងលោក ព្រាប សុវត្ថិ បានទទួលអាហារូបករណ៍ សិក្សានៅ សាលាអន្តរជាតិ និងដំណើរកម្សាន្ត នៅប្រទេសជប៉ុន និងការឧបត្ថម្ភផ្សេងៗទៀត។
កម្មវិធីខាងលើនេះមានការអញ្ជើញចូលរួមពីសំណាក់ លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន និងលោកជំទាវផងដែរ។
គួរបញ្ជាក់ថាក្នុងកម្មវិធីប្រឡងជម្រុះវគ្គផ្ដាច់ព្រ័ត្រ The Voice Kids Cambodia រដូវកាលទី១ មានបេក្ខជន និងបេក្ខនារីចំនួន៦ រូបរួមមាន កុមារី ឃុយ ម៉ីហៀង កុមារា ពេជ្រ ថៃ កុមារា ឡុង លីគ័ង្គ កុមារី ណូ ឈូស៊ីវហេង កុមារី រ៉ន ចាន់ឌីន កុមារី សុខ សុជាតា។តែអ្នកដែលទទួលបានជយលាភីក្នុងការប្រឡងនេះបានទៅលើកុមារា ពេជ្រ ថៃ មានអាយុ ១២ រៀនថ្នាក់ទី ៧ នៃអនុវិទ្យាល័យម្រះព្រៅ ខេត្តបាត់ដំបង៕