McGregor ចង់សាករសជាតិចាប់អាជីពឡើងវាយនៅ WWE

2017-10-15 07:55:05
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករវាយក្នុងទ្រុង Conor McGregor កំពុងពិភាក្សាចង់វិវត្តន៍ខ្លួនក្លាយជាអ្នកវាយកីឡាកាសអាជីពជាលើកដំបូងនៅស្ថាប័ន WWE ដោយអាចបង្ហាញខ្លួនក្នុងកម្មវិធី Wrestlemania នាពេលខាងមុខ។

កាលពីខែ សីហាកន្លងទៅអ្នកលេងក្បាច់គុនចម្រុះសាធារណរដ្ឋអៀរឡង់រួបនេះ ទើបតែប្រលូកក្នុងវិស័យប្រដាល់សកលអាជីពលើកដំបូង ដោយប៉ះជាមួយជើងខ្លាំងអាមេរិក Floyd Mayweather តែពេលនោះចាញ់។

យោងតាមសារព័ត៌មានអៀរឡង់ចុះថា McGregor បានពិភាក្សាជាមួយ World Wrestling Entertainment (WWE) សម្រាប់ការបង្ហាញខ្លួនលើកដំបូងក្នុងអាជីពកីឡាកាសនៅឆ្នាំ២០១៨ ហើយគេអាចនឹងបង្ហាញខ្លួនក្នុងកម្មវិធី Wrestlemania នៅខែ មេសា។

ផ្អែកតាមប្រភពជិតស្និទ្ធបានប្រាប់សារព័ត៌មានខាងលើថា៖ "Conor គឺអ្នកគាំទ្រខ្លាំងក្លារបស់កីឡាកាស។ ភាពឌឺដងនិងការនិយាយស្ដីរបស់គេ កើតចេញដោយសារការមើលការសម្ដែងរបស់អ្នកកីឡាកាស Ric Flair និង The Rock”។ ទន្ទឹមគ្នានេះកាលពីសប្ដាហ៍មុន ក្រុមការងារជាន់ខ្ពស់របស់ WWE អ្នកស្រី Stephanie McMahon ក៏បានសរសើរ Conor និងចង់ឲ្យរូបគេហក់ចូលវិស័យកីឡាកាស៕