អាគុយឡានខូចឬមិនខូច មានសញ្ញាយ៉ាងច្បាស់អាចដឹងមុនបាន
- 2017-10-18 07:22:05
- ចំនួនមតិ 0 | ចំនួនចែករំលែក 0
អាគុយឡានខូចឬមិនខូច មានសញ្ញាយ៉ាងច្បាស់អាចដឹងមុនបាន
ចន្លោះមិនឃើញ
ជាទូទៅអ្នកដែលប្រើប្រាស់រថយន្តតែងតែមិនបានចាប់អារម្មណ៍ទៅលើអាគុយឡានរបស់ខ្លួនឲ្យតែដេរទៅឆេះមិនសូវខ្វល់ឡើយ។ដើម្បីជៀសវាងកុំឲ្យអាគុយរបស់អ្នកខូចទាន់ដេរមិនឆេះហើយសញ្ញាណអ្វីខ្លះដែលបង្ហាញថាអាគុយឡានរបស់អ្នកជិតខូចឬមិនសាកភ្លើង។
លោក អ៊ុយ សាខន ជាគ្រូបង្រៀននៅសាលាបណ្ដុះបណ្ដាលបច្ចេកទេសរថយន្ត JVC បានប្រាប់ Sabay ថាអាគុយឡានមានពីប្រភេទគឺអាគុយស្ងួតនិងអាគុយទឹក។
ចំពោះអាគុយស្ងួតពេលដែលវាជិតខូចមិនកាន់ភ្លើងឬខូចយើងអាចពិនិត្យមើលលើអាគុយនោះបើមានពណ៌បៃតងមានន័យថាវានៅមានគុណភាពល្អបើឃើញពណ៌ក្រហមនៅធម្មតាត្រូវការបំពេញថាមពលបន្ថែមតែបើមានពណ៌សនោះវាអស់រយៈពេលនៃការប្រើប្រាស់ហើយ។
ចំពោះអាគុយទឹកវិញពេលណាវាអស់គុណភាពឬខូចយើងអាចមើលឃើញដោយធុងអាគុយរាងប៉ោងមានស្នឹមលើក្បាលអាគុយច្រើនហើយកម្រិតទឹកអាស៊ីដធ្លាក់ចុះឬក៏រីងតែម្ដងនិងអាចមានស្នឹមនៅលើក្បាលអាគុយ។
លើសពីនេះនៅពេលយើងដេរបញ្ឆេះវាមិនងាយនឹងឆេះនេះបញ្ជាក់ថាវាជិតខូចហើយ។វានឹងមានសញ្ញាបង្ហាញនៅតាបឡូរថយន្តថាអាគុយរបស់អ្នកកុំពុងតែមានបញ្ហាមិនកាន់ភ្លើងឬមួយឌីណាម៉ូមិនសាក់ភ្លើង។
ដើម្បីឱ្យកាន់តែច្បាស់ទៅលើគុណភាពនិងអាយុកាលនៃការប្រើប្រាស់សម្រាប់រថយន្តយើងអាចទិញឧបករណ៍ធ្វើតេស្តមកពិនិត្យបន្ថែមក៏បាន។
ចំពោះវិធីងាយៗដើម្បីថែរក្សាលោកប្រាប់ថាយើងត្រូវជ្រើសរើសប្រភេទអាគុយឱ្យត្រូវនឹងកម្លាំងម៉ាស៊ីនរថយន្តដែលក្រុមហ៊ុនកំណត់ហើយពេលដេរបញ្ឆេះម្ដងជា២ដងមិនឆេះកុំព្យាយាមដេរទៀតព្រោះវាអាចធ្វើឱ្យអាគុយឆាប់ខូចហើយក្នុង១សប្ដាហ៍បើអ្នកមិនចេញដំណើរអ្នកត្រូវបញ្ឆេះរថយន្តពី៣ទៅ៥នាទីដើម្បីបំពេញថាមពលវិញត្រូវដុសសម្អាតក្រចាប់អាគុយឱ្យបានស្អាតកុំឱ្យវាស្នឹមឬច្រែះនៅលើក្បាលអាគុយ(លាងសម្អាត់ជាមួយទឹកក្ដៅ)៕
ចុចអានបន្ត៖
-បុរសម្នាក់ផលិតបានគោយន្តបញ្ជាតេឡេ គ្រប់គ្នាសរសើរលាន់
-Mercedes ប្រមូលរថយន្តជិតកន្លះលានគ្រឿង ជុំវិញបញ្ហាពោងសុវត្ថិភាព