Jennifer Lawrence ថាខ្លួនធ្លាប់ត្រូវគេបង្ខំឲ្យថតស្រាតនិងបៀតបៀនផ្លូវភេទ

2017-10-18 08:26:28
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់បានចូលរួមក្នុងកម្មវិធី Elle's Women នៅហូលីវូដ តារាសម្ដែង Jennifer Lawrence បានបើកកកាយរឿងទាំងអស់ដែលទាក់ទងនឹង ការបៀតបៀនផ្លូវភេទ និងការរំលោភសិទ្ធិស្រ្ដីនៅក្នុងវិស័យភាពយន្ត។

បន្ទាប់មានការបែកធ្លាយពីព័ត៌មានជាច្រើនទាក់ទងនឹងការរំលោភបំពានផ្លូវភេទ របស់ផលិតករ Harvey Weinstein អ្នកសិល្បៈនិងប្រជាជនជាច្រើនចាប់ផ្ដើមផ្ដោតសំខាន់ទៅលើបញ្ហានេះនិងបកស្រាយពីស្ថានភាពខ្លួននីមួយៗ ដែលបានឆ្លងកាត់។

ទោះបីជា Jennifer មិនធ្លាប់បានត្រូវផលិតកររូបនេះធ្វើបាបក៏ដោយ ក៏នាងបានសារភាពថាធ្លាប់ជួប នូវរឿងមិនល្អជាច្រើន បន្ទាប់ពីនាងចាប់ផ្ដើមអាជីពជាអ្នកសំដែងនេះ។

Jennifer បាននិយាយថាខណៈពេលនាងចាប់ផ្ដើមថតរឿងមួយ ផលិតកររឿងនោះបានតម្រូវឲ្យនាងបញ្ចុះទម្ងន់ដល់ទៅ ១៥ផោន(ជិត៧គីឡូក្រាម)។ មិនត្រឹមតែប៉ុណ្ណោះ ក្នុងពេលនោះដែរតារាស្រីម្នាក់ត្រូវគេបណ្ដេញចេញពីក្នុងរឿងដោយសារបញ្ចុះគីឡូមិនទាន់ពេល។

ផលិតករស្រីម្នាក់ បានប្រាប់នាងឲ្យឈរជាមួយស្រីៗទាំង៥នាក់ដែលស្គមជាងនាងដោយស្រាតសម្លៀកបំពាក់ទាំងអស់ ដោយមានតែស្គុតបន្តិចបន្តួចសម្រាប់បិទបាំងកន្លែងសំខាន់តែប៉ុណ្ណោះ។ នាងបានបន្ថែមថា បន្ទាប់ពីនាងបានធ្វើដូច្នេះហើយ ផលិតករនោះក៏ថតរូបនាងជាមួយនឹងស្រីទាំង៥នាក់ រួចប្រគល់រូបថតនោះឲ្យ Jennifer ដើម្បីជាគំរូឲ្យនាងសម្រកទម្ងន់ឲ្យបានដូចពួកគេ។

លើសពីនេះទៅទៀតនាងក៏បានស្នើសុំ ដើម្បីនិយាយទៅកាន់ផលិតករផ្សេងវិញ ព្រោះការបញ្ចុះទម្ងន់នោះវាខ្លាំងពេក។ ក៏ប៉ុន្តែនាងក៏ត្រូវបានផលិតប្រុសម្នាក់នោះឆ្លើយតបថា ហេតុអ្វីបានមានអ្នកថាឲ្យនាងជាមនុស្សធាត់ ព្រោះចំពោះរាងរៅប៉ុណ្ណឹងគឺសាកសមនឹងដេកជាមួយបំផុត។

នាងបន្តទៀតថា ចំណែកឯអ្នកដឹកនាំរឿងនោះក៏មិនបានជួយនាងដែរ ដោយប្រាប់នាងឲ្យសំដែងរឿងអាសអាភាសទៀតផង ព្រមទាំងពាក្យអាក្រក់ៗជាច្រើនទៀតដែលនាងមិនអាចបរិយាយនៅទីនេះ។

ដោយសារតែការងារសម្ដែងគឺជាគោលបំណងរបស់នាង ហេតុដូច្នេះហើយទើបនាងតែងតែស្ដាប់តាមបង្គាប់គេ និងមិនដែលហ៊ាននិយាយអ្វីពីរឿងនេះ ព្រោះខ្លាចបាត់បង់ការងារ។

ជាចុងបញ្ចប់ តួរឿង "Mother!” រូបនេះក៏ផ្ដល់សារដល់ស្រ្ដីជាច្រើនដែលកំពុងធ្វើការក្នុងសិល្បៈ ឲ្យចេះជួយគ្នា ការពាររាល់រឿងមិនល្អផ្សេងៗ ដែលអាចកើតឡើងចំពោះពួកគេ៕

អានអត្ថបទ៖

ប្រភព៖ Kenh14 ប្រែសម្រួល៖ ធារ៉ូ