Emma Stone ដណ្ដើមតំណែង Jennifer Lawrence ជាតារាស្រីរកចំណូលបានច្រើនជាងគេប្រចាំឆ្នាំ!
- 2017-08-17 09:20:18
- ចំនួនមតិ 0 | ចំនួនចែករំលែក 0
Emma Stone ដណ្ដើមតំណែង Jennifer Lawrence ជាតារាស្រីរកចំណូលបានច្រើនជាងគេប្រចាំឆ្នាំ!
ចន្លោះមិនឃើញ
តារាសម្ដែង Emma Stone បានក្លាយជាតារាស្រីរកប្រាក់ចំណូលបានច្រើនបំផុតប្រចាំឆ្នាំនេះ បើយោងទៅតាមទស្សនាវដ្ដី Forbes។ នាងបានបំបាក់តំណែង Jennifer Lawrence ដែលមានចំណាត់ថ្នាក់លេខ១កាលពីឆ្នាំ ២០១៥ និង ២០១៦។
តារាវ័យ២៨ឆ្នាំរូបនេះអាចរកចំណូលបានដល់ទៅ ២៦លានដុល្លារឯណោះ នេះគឺដោយសារតែការសម្ដែងរបស់នាងក្នុងរឿង "La La Land” ដែលធ្វើឲ្យនាងឈ្នះពានរង្វាន់ Oscar។
ចំណែកឯតារាសម្ដែង Jennifer Aniston បានជាប់ចំណាត់ថ្នាក់លេខ២ ដោយរកប្រាក់ចំណូលបាន ២៥,៥លានដុល្លារ។ តារារូបនេះនៅតែអាចរកចំណូលបានយ៉ាងច្រើន ទោះបីជារឿងភាគ "Friends” នាងបានបញ្ចប់ក៏ដោយ។ Jennifer បានចូលរួមសម្ដែងក្នុងរឿង "The Yellow Bird” នៅឆ្នាំនេះ ព្រមទាំងចូលរួមធ្វើការជាមួយក្រុមហ៊ុនល្បីៗ ដូចជា Emirates airlines, Smartwater, និង Aveeno ជាដើម។
បើក្រឡេកមកមើល Jennifer Lawrence វិញឆ្នាំនេះបានធ្លាក់មកដល់លេខ៣ ដែលរកប្រាក់ចំណូលបាន ២៤លានដុល្លារ បើប្រៀបធៀបនឹងចំណូលឆ្នាំមុន ៤៦លានដុល្លារ គឺតិចជាងសឹងតែពាក់កណ្ដាល។ សម្រាប់ចំណូលឆ្នាំនេះ Jennifer បានមកពីសម្ដែងក្នុងរឿងដូចជា "Mother!”, “Red Sparrow” និងការផ្សព្វផ្សាយផលិតផល Dior៕
ខាងក្រោមនេះ គឹជាបញ្ជីឈ្មោះតារាស្រីទាំង១០ដែលរកចំណូលបានច្រើនជាងគេ៖
១. Emma Stone ២៦លានដុល្លារ
២. Jennifer Aniston ២៥,៥លានដុល្លារ
៣. Jennifer Lawrence ២៤លានដុល្លារ
៤. Melissa McCarthy ១៨លានដុល្លារ
៥. Mila Kunis ១៥,៥លានដុល្លារ
៦. Emma Watson ១៤លានដុល្លារ
៧. Charlize Theron ១២លានដុល្លារ
៨. Cate Blanchett ១២លានដុល្លារ
៩. Julia Roberts ១២លានដុល្លារ
១០. Amy Adams ១១,៥លានដុល្លារ
ចុចអានអត្ថបទ៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
