រឿងហូលីវូដទាំង១០ តួឯកស្រលាញ់គ្នាមែនទែនពេលកំពុងថតរឿង

2017-08-10 08:10:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាធម្មតាការសម្ដែងរឿង ជាពិសេសគឺរឿងស្នេហាតែងតែតម្រូវឲ្យតួឯកស្រីនិងប្រុសមានភាពជិតស្និទ្ធឲ្យដូចជាស្រឡាញ់គ្នាពិតប្រាកដក្រៅសាច់រឿងអីចឹង។

ចំពោះការសម្ដែងខ្លះគឺមានការលំបាក ក៏ប៉ុន្តែសម្រាប់តួអង្គខ្លះការសម្ដែងឈុតឆាកទាំងនេះគឺពិតជាងាយស្រួលខ្លាំង ដោយសារតែពួកគេបានស្រលាញ់គ្នាពិតប្រាកដខណៈពេលដែលកំពុងតែថត ធ្វើឲ្យពួកគេសម្ដែងចេញមកគឺដូចពិតៗតែម្ដង៕

ហើយនេះជាបណ្ដារឿងទាំង១០ដែលតួអង្គស្រលាញ់គ្នាពេលថតរឿង៖

១. រឿង Gigli ឆ្នាំ ២០០៣

បើតាមសាច់រឿងតួអង្គ Ricki សម្ដែងដោយ Jennifer Lopez ជាតួអង្គឃាតករនិងមិនចូលចិត្តមនុស្សប្រុស តែបែរជាបាក់ចិត្តស្រលាញ់លើតួឯក Larry សម្ដែងដោយលោក Ben Affleck។ ពួកគេទាំងពីរបានចាប់ផ្តើមស្រលាញ់គ្នាពេលកំពុងថតរឿងរហូតដល់មានទំនាក់ទំនងជាមួយគ្នាពិតប្រាកដអស់រយៈពេលយ៉ាងយូរ។

២. រឿង Vicky Cristina Bercelona ឆ្នាំ ២០០៨

នៅក្នុងរឿងនេះតារាសម្ដែង Penelope Cruz និង Javier Bardem បានសម្ដែងជាគូស្នេហ៍រៀបការហើយដ៏ចម្លែកមួយគូ។ ដោយសារតែថតរឿងនេះពួកគេចាប់ផ្ដើមមានចិត្តលើគ្នារហូតដល់ចូលរោងការ។

៣. រឿង Cruel Intentions ឆ្នាំ ១៩៩៩

បើនិយាយពីតួអង្គ Reese Witherspoon និង Ryna Phillippe វិញអ្នកទាំងពីរពិតជាមានអារម្មណ៍លើគ្នាខ្លាំងខណៈពេលសម្ដែងរឿង "Cruel Intention”។ ហេតុដូច្នេះហើយទើបឈុតឆាកស្នេហាខ្លះនៅក្នុងរឿងនេះគឺពិតជាដូចការពិតខ្លាំង។

៤. រឿង The Apartment ឆ្នាំ ១៩៩៦

ក្នុងពេលកំពុងតែថតតារាសម្ដែងស្រីសញ្ជាតិអ៊ីតាលី Monica Bellucci និងតារាសម្ដែងសញ្ជាតិបារាំងលោក Vincent Cassel ចាប់ផ្ដើមស្គាល់គ្នា ហើយពួកគេទាំងពីរបានក្លាយជាគូស្នេហ៍ដ៏ល្បីឈ្មោះមួយប្រចាំពិភពភាពយន្ត ប៉ុន្តែគួរឲ្យសោកស្ដាយពេលនេះអ្នកទាំងពីរបានដើរដល់ផ្លូវបំបែកទៅហើយ។

៥. រឿង The Rum Diary ឆ្នាំ ២០១០

ដោយសារតែរឿងនេះហើយទើបតារាប្រុសសម្បូរស្នេហ៍ Johnny Depp បានជួបគ្នាជាមួយតារាសម្ដែង Amber Heard។ ពួកគេក៏បានចាប់ផ្ដើមទាក់ទងគ្នាអស់រយៈពេលជាច្រើនឆ្នាំរហូតបែកបះនៅដើមឆ្នាំ ២០១៧នេះ។

៦. រឿង Step Up ឆ្នាំ ២០០៦

អ្នកស្រលាញ់ភាពយន្តលក្ខណៈតន្ត្រីនិងក្បាច់រាំជាច្រើនប្រាកដជាស្គាល់រឿងមួយនេះ។ ក្នុងរឿងនេះមិនត្រឹមតែធ្វើឲ្យអ្នករំភើបចិត្តនឹងក្បាច់រាំដ៏រស់រវើកប៉ុណ្ណោះទេ ប៉ុន្តែវាជារឿងដែលបង្កាត់ភ្លើងស្នេហារបស់តារាសម្ដែង Channing Tatum និង Jenna Dewan ផងដែរ។ សម្រាប់ពេលនេះពួកគេទាំងពីរបានរៀបការនិងមានកូនស្រីម្នាក់ជាមួយគ្នា។

៧. រឿង Days of Thunder ឆ្នាំ ១៩៩០

រឿងនេះគឺជារឿងមួយក្នុងចំណោមរឿងដំបូងៗរបស់ Nicole Kidman ។ នៅក្នុងរឿងនេះនាងបានជួបជាមួយ Tom Cruise ហើយទំនាក់ទំនងរបស់ពួកគេពិតជាស្អិតរមួតរហូតបានទាក់ទងគ្នាពិតប្រាកដទៀតផង ដែលពេលនេះគូស្នេហ៍មួយគូនេះធ្លាប់ជាគូស្នេហ៍ដ៏ល្បីមួយនៅហូលីវូដ។

៨. រឿង Alfie ឆ្នាំ ២០០៤

សម្រាប់ការថតរឿងនេះតារាប្រុសសម្បូរស្នេហ៍ Jude Law មិនមានភាពលំបាកអ្វីសោះពេលសម្ដែងជាតួឯកប្រុស ជាពិសេសឈុតឆាកស្នេហាជាមួយតួអង្គស្រី Sienna Miller។ នេះដោយសារតែអ្នកទាំងពីរមានចិត្តលើគ្នាទាំងក្នុងនិងក្រៅសាច់រឿង។

៩. រឿង Mr. & Mrs. Smith ឆ្នាំ ២០០៥

ដោយសារតែរឿងនេះ Angelina Jolie និង Brad Pitt បានចាប់ចិត្តស្រលាញ់គ្នាហើយព្រមទាំងបានរួមរស់ជាមួយគ្នាអស់រយៈពេលជាច្រើនឆ្នាំ ដោយមានកូន៣នាក់ជាមួយគ្នានិងកូនចិញ្ចឹមជាច្រើនអ្នក តែគួរឲ្យសោកស្ដាយទំនាក់ទំនងស្នេហារបស់អ្នកទាំងពីរត្រូវបានបញ្ចប់។

១០. រឿង The Amazing Spider-Man ឆ្នាំ ២០១២

តួអង្គ Spider-Man សម្ដែងដោយ Andrew Garfield និងតួអង្គឯកស្រី Emma Stone ពិតជាមានអារម្មណ៍លើគ្នាទៅវិញទៅមកខ្លាំងបន្ទាប់ពីបានសម្ដែងរឿងនេះជាមួយគ្នា។ សម្រាប់ពេលនេះពួកគេបានបែកគ្នាទៅហើយក៏ប៉ុន្តែអ្នកទាំងពីរនៅជួបគ្នាសម្រាប់ពេលខ្លះៗ៕

ចុចអានអត្ថបទ៖

ប្រភព៖ Brightside ប្រែសម្រួល៖ ធារ៉ូ