ច្បាស់ការមែនទែនហើយ ពីគ្រោងការបង្ហោះផ្កាយរណបលើកដំបូងរបស់ប្រទេសកម្ពុជា

2017-10-19 07:39:42
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្ពុជា ត្រូវការចំណាយខ្ទង់ ១៥០ លានដុល្លារសម្រាប់គម្រោងបង្ហោះផ្កាយរណបលើកដំបូងទៅកាន់អវកាស ដែលអាចនឹងចាប់ផ្ដើមនាឆ្នាំ ២០២១។ តាមការឲ្យដឹងពីមន្ត្រីជាន់ខ្ពស់ នៃនិយ័តករទូរគមនាគមន៍កម្ពុជា(TRC) កាលពីថ្ងៃចន្ទកន្លងទៅ។

រូបតំណាង

យោងតាមប្រភពចុះផ្សាយដោយគេហទំព័រ KhmeTime នៅក្នុងសិក្ខាសាលាស្ដីពី "ការវាស់ស្ទង់តម្រូវការទីផ្សារសម្រាប់គម្រោងបង្ហោះសេវាផ្កាយរណប" លោក អ៊ឹម វុត្ថា អ្នកនាំពាក្យនៃនិយ័តករទូរគមនាគមន៍កម្ពុជា(TRC) បានថ្លែងថា ការបង្ហោះផ្កាយរណប ជាចំណុចសំខាន់សម្រាប់ភ្ជាប់ទំនាក់ទំនងយ៉ាងចាំបាច់នៅក្នុងសហគមន៍ក្នុងប្រទេសកម្ពុជា។

សិក្ខាសាលាដែលប្រមូលផ្ដុំដោយអ្នកតំណាងជាច្រើនរូបមកពី ក្រសួងប្រៃសនីយ៍និងទូរគមនាគមន៍(MoPT) និងនិយ័តករទូរគមនាគមន៍កម្ពុជា(TRC) បានសង្កត់ធ្ងន់ទៅលើ វិស័យទូរគមនាគមន៍ ការផ្សាយ(Broadcasting) និងបច្ចេកវិទ្យា ដើម្បីពិភាក្សាលើលទ្ធភាពនៃការបាញ់បង្ហោះផ្កាយរណបលើកដំបូងរបស់កម្ពុជា។

ក្រុមហ៊ុនដែលមានភារកិច្ចធ្វើការសិក្សាលទ្ធភាពសម្រាប់គម្រោងបង្ហោះផ្កាយរណបមានដូចជា បុត្រសម្ព័ន្ធនៃក្រុមហ៊ុនរ៉ូយ៉ាល់គ្រុប(Royal Group's Subsidiary Royal Blue Skies) និងក្រុមហ៊ុន Great Wall Industry Corporation ដែលមានមូលដ្ឋាននៅទីក្រុងប៉េកាំង ប្រទេសចិន ក៏បានចូលរួមក្នុងសិក្ខាសាលានេះផងដែរ។

លោក វុត្ថា បានបន្ថែមទៀតថា "ពិតណាស់! គម្រោងបង្ហោះផ្កាយរណប ជាគម្រោងធំត្រូវការការចំណាយច្រើន(តម្លៃថ្លៃ) ដូចនេះ យើងកំពុងស្វែងរកការបញ្ចូលទាំងអស់ដែលយើងមាន ពីដៃគូសហការ ឬភាគីពាក់ព័ន្ធនានាជុំវិញរឿងនេះ ដើម្បីអាចដឹងថា តម្រូវការចំណាយប៉ុន្មាន និង គួរវិនិយោគប៉ុន្មាន?

លោកបន្តទៀតថា៖ "តាមខ្ញុំគិត ខ្ទង់ចំណាយប្រហែលជា ១៥០ លានដុល្លារសម្រាប់គម្រោងបាញ់បង្ហោះផ្កាយរណបចូលក្នុងគន្លងអវកាស ដោយប្រើប្រាស់ផ្កាយរណបដែលមានអាយុកាលប្រើបានយ៉ាងតិច ១៥ ឆ្នាំ។

"យើងនឹងអាចចំណាយពេលតិចជាងបណ្ដាប្រទេសដទៃ ដោយសារមានដៃគូសហការដូចជា ក្រុមហ៊ុន Great Wall Industry Corporation ជាក្រុមហ៊ុនដែលធ្លាប់មានបទពិសោធន៍ក្នុងការធ្វើគម្រោងបាញ់បង្ហោះផ្កាយរណបជាមួយប្រទេសឡាវ កាលពីឆ្នាំ ២០១៥។

ចុចអាន៖ ប្រទេសឡាវបាញ់បង្ហោះផ្កាយរណបផ្ទាល់ខ្លួន Lao Sat-1 ដំបូងទៅលើអាកាស

ផ្កាយរណប Lao Sat-1 របស់ឡាវ

ជាទូទៅ ស្ដង់ដារសម្រាប់រៀបចំត្រៀមបង្ហោះផ្កាយរណបមានរយៈពេល ៧ ឆ្នាំ។ តែខ្ញុំជឿជាក់ថា វានឹងអាចរួចរាល់ត្រឹមរយៈពេល ៣ ឆ្នាំ។ ប្រសិនបើអ្វីៗគ្រប់យ៉ាងរៀបរយ កម្ពុជា នឹងបាញ់បង្ហោះផ្កាយរណបចូលក្នុងគន្លងអវកាស នៅឆ្នាំ ២០២១ ឬ ២០២២ ។ លោកវុត្ថា បញ្ជាក់៖

កាលពីខែធ្នូ ឆ្នាំមុន សម្តេច ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានសួរទៅ បុត្រសម្ព័ន្ធនៃក្រុមហ៊ុនរ៉ូយ៉ាល់គ្រុប ដែលជាក្រុមហ៊ុនក្នុងស្រុក ឲ្យធ្វើជាដៃគូជាមួយក្រុមហ៊ុនក្រៅស្រុក(បរទេស) ក្នុងការបង្កើតក្ដីស្រម៉ៃ ឲ្យចេញជាការពិត ចំពោះគម្រោងបាញ់បង្ហោះផ្កាយរណបទៅគន្លងអវកាសរបស់កម្ពុជា។

កម្ពុជាគួរតែមានផ្កាយរណបផ្ទាល់ខ្លួនហើយ ដើម្បីបង្កើនកម្រិតការផ្សាយ ឲ្យកាន់តែខ្ពស់ ទៅកាន់ប្រជាពលរដ្ឋ។ ចំពោះការផ្ដល់សេវាអ៊ីនធើណិតដែលមានតម្លៃសមរម្យអាចទទួលយកបាន សម្រាប់ប្រជាពលរដ្ឋ ជាឧបសគ្គដ៏ធំ ហើយក៏ជាការវិនិយោគដ៏ធំមួយដែរ តែវាអាចនឹងទៅរួច។ សម្តេចបញ្ជាក់បន្ថែម៖

រំឮកដែរថា កម្ពុជា បានបើកឲ្យដំណើរការជាផ្លូវការនូវ ខ្សែកាបទឹកទូរគមនាគមន៍សម្រាប់នាវាមុជដំបូងគេ កាលពីខែ មីនា ដែលជាគម្រោងមួយដែលមានតម្លៃជាង ១០០ លានដុល្លារ។

ខ្សែកាបដែលមានប្រវែង ១ ៣០០ គីឡូម៉ែត្រនេះជាការវិនិយោគរវាងក្រុមហ៊ុន Telecothech របស់កម្ពុជាដែលជាបុត្រសម្ព័ន្ធក្រុមហ៊ុន EZECOM និងក្រុមហ៊ុនTelekom Malaysia Berhad ដែលមាន មូលដ្ឋាននៅប្រទេសម៉ាឡេស៊ី និងក្រុមហ៊ុន Symphony Communication Public Company Limited ដែលមានមូលដ្ឋាននៅប្រទេសថៃ៕

ចុចអានបន្ត៖

ប្រភព៖ KhmerTime

អត្ថបទ៖ រក្សា