អាគុប ០១៨ បច្ចេកវិទ្យាដូចគេដូចឯង តែតម្លៃ Zoomer-X សុំខ្មាស!

2017-10-22 02:36:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីពេលថ្មីៗ Honda បានប្រកាសចេញម៉ូតូ Super Cub (ឬហៅថាអាគុប ) ស៊េរីឆ្នាំ ២០១៨ ជាផ្លូវការដោយមានជាពីរម៉ូដែល Super Cub 50 និង Super Cub 110 មានជាប្រភេទ Pro និងប្រភេទ Standard។

ទោះជាម៉ាស៊ីនរបស់វាមិនបានប្រែប្រួលច្រើន តែ Super Cub ស៊េរីថ្មីនេះមានបំពាក់នូវបច្ចេកវិទ្យាទំនើបដូចជា មានភ្លើងស៊ីញ៉ូជាប្រភេទភ្លើង LED, ម៉ាស៊ីនប្រើប៊ិចបច្ចេកវិទ្យា PGM-Fi និងចង្កឹះលេខ ៤ វគ្គ ជាដើម។

ចំពោះទំហំម៉ាស៊ីនវិញប្រភេទ Super Cub 50 មានម៉ាស៊ីនទំហំ ៥០ សេសេ បង្កើតកម្លាំងបាន ៣,៧ សេះ និង Super Cub 110 មានម៉ាស៊ីនទំហំ ១១០ សេសេ បង្កើតកម្លាំងបាន ៨ សេះ។

សម្រាប់ប្រភេទ Pro វិញមានកង់ទំហំ ១៤ អ៊ីញ និងមានបំពាក់កន្ត្រកធំមួយនៅផ្នែកខាងមុខ។ វាមានកែបដែកធំទូលាយ ផលិតឡើងជាពិសេសសម្រាប់អ្នកដឹកជញ្ជូនកាសែត និងអ្នកលក់ទំនិញតូចតាចនៅជប៉ុន។

ចំណែកប្រភេទ Pro វិញមានតម្លៃ ២២៦០ ដុល្លារ ចំពោះម៉ូដែល Super Cub 50 និង ២៦៥០ ដុល្លារ ចំពោះម៉ូដែល Super Cub 110។

ប្រភេទ Pro

ចំពោះប្រភេទ Standard មានបំពាក់កង់ម៉ូតូទាំងពីរប្រើប្រភេទហ្វ្រាំងស្បែក និងមានកង់ទំហំ ១៧ អ៊ីញ។ វាមានតម្លៃចាប់ពី ២០៧០ ដុល្លារ សម្រាប់ម៉ូដែល Super Cub 50 និង ២៤៥០ ដុល្លារ សម្រាប់ Super Cub 110។ លើសពីនេះ Honda ក៏បានប្រកាសពីការប្ដូរសង្វាក់ផលិតកម្ម Super Cub ពីប្រទេសចិន មកផលិតនៅរោងចក្រ Kumamoto ប្រទេសជប៉ុនវិញផងដែរ។