ក្ដៅៗ! កូនស្រីដំបូងរបស់ Rain និង Kim Tae Hee កើតហើយ
- 2017-10-25 05:11:30
- ចំនួនមតិ 0 | ចំនួនចែករំលែក 0
ក្ដៅៗ! កូនស្រីដំបូងរបស់ Rain និង Kim Tae Hee កើតហើយ
ចន្លោះមិនឃើញ
ព័ត៌មានដ៏កក្រើកមួយទៀតបានផ្ទុះឡើងហើយ ខណៈគូស្នេហ៍តារាសម្ដែង Rain និង Kim tae Hee ប្រកាសថាកូនស្រីរបស់ពួកគេកើតហើយ។
ប្ដីប្រពន្ធតារាល្បីប្រចាំប្រទេសកូរ៉េគូនេះ បានធ្វើឲ្យអ្នកគាំទ្រទាំងអស់ភ្ញាក់ផ្អើល និងរំភើបជាខ្លាំង ពេលបង្ហោះរូបភាពដំបូងប្រកាសពីកូនស្រីដែលទើបកើតដំបូងរបស់ពួកគេលើគណនី Instagram។
រូបភាពនោះ ក៏មានអមជាមួយសំណេរខ្លីថា៖ "អរគុណ (កូនស្រី) គឺជាព្រះនាងដ៏គួរឲ្យស្រឡាញ់។ ពួកយើងនឹងចិញ្ចឹមបីបាច់ កូនតូចនេះ ឲ្យធំឡើងក្លាយជាមនុស្សម្នាក់ដែលអាចជួយពិភពលោកបាន”។ នេះបើតាមអ្វីដែល Rain បានសរសេរ។
យ៉ាងណាមិញ ខាងផលិតកម្មរបស់ Rain ក៏បានចេញមុខប្រកាសដំណឹងល្អនេះដល់អ្នកគាំទ្រតារាប្រុសស្រី ទាំង២ផងដែរថា៖ "Kim Tae Hee បានសម្រាលកូនស្រីហើយថ្ងៃនេះ ហើយទាំងម្ដាយ និងកូនមានសុខភាពល្អ”។
គូស្នេហ៍ទាំង ២បានរៀបការនឹងគ្នា កាលពីខែមករា ឆ្នាំ ២០១៧ ដោយមានការអបអរយ៉ាងខ្លាំងពីអ្នកគាំទ្រជុំវិញពិភពលោក៕