ភាពយន្តខ្មែរ ៦រឿង កំពុងប្រកួតយកលេខ១ភាពយន្តឆ្នើមប្រចាំឆ្នាំ២០១៧

2017-10-27 04:40:08
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីយប់មិញនេះ ភាពយន្តខ្មែរខ្នាតខ្លីចំនួន៦រឿង បានដាក់បញ្ចាំងនៅក្នុងមជ្ឈមណ្ឌលវប្បធម៌អាល្លឺម៉ង់ ( Meta House) ដើម្បីឱ្យសាធារណជនបានទស្សនា។ ភាពយន្តខ្នាតខ្លី៦រឿងនេះនឹងត្រូវប្រកួតប្រជែងគ្នា ដើម្បីដណ្ដើមជ័យលាភីភាពយន្តខ្លីឆ្នើមលេខ១ប្រចាំឆ្នាំ២០១៧។

ប្រធានមហោស្រពភាពយន្តខ្លីចតុមុខលោក ជា សុឃី បានប្រាប់ Sabay ថា ក្នុងឆ្នាំ២០១៧នេះ មហោស្រពភាពយន្តខ្លីចតុមុខបានជ្រើសរើសរឿងខ្មែរខ្នាតខ្លីចំនួន៦រឿង ដើម្បីប្រកួតប្រជែងយកជ័យលាភីភាពយន្តខ្លីល្អបំផុតសម្រាប់ឆ្នាំ២០១៧។ លោកបន្តថា ផលិតករខ្មែរផលិតរឿងខ្នាតខ្លីទាំង៦រឿងនេះ ទទួលបានការបណ្ដុះបណ្ដាលផលិតរឿងវគ្គខ្លីពីខាង កុនខ្មែរ កូនខ្មែរ។ សិក្ខាកាមទទួលបានការបណ្ដុះបណ្ដាល ១០ថ្ងៃ ដោយ៣ថ្ងៃរៀនទ្រឹស្ដីនៅភ្នំពេញ ទាក់ទងការផលិតរឿង ការសរសេររឿង ការថត បន្ទាប់មកចំណាយពេល៣ថ្ងៃ ២យប់ ក្នុងការថតនៅខេត្តបាត់ដំបង។

ប្រធានមហោស្រពភាពយន្តខ្លីចតុមុខលោក ជា សុឃី

“គោលបំណងដែលយើងបង្កើតឱ្យមានវគ្គបណ្ដុះបណ្ដាល និងការប្រកួតប្រជែងនេះឡើង គឺដើម្បីឱ្យទស្សនិកជនដែលទស្សនារឿងទាំង៦រឿងនេះហើយ ទទួលបានសារល្អៗមួយចំនួនពីក្នុងរឿងរបស់យើង”។

រឿងដែលជាប់ជ័យលាភីលេខ១ និងទទួលបានថវិកា១ពាន់ដុល្លារ រួមទាំងមានឱកាសសិក្សាពីបច្ចេកទេសសំឡេងពីអ្នកជំនាញ និងមានការឧបត្ថម្ភមួយចំនួនទៀត។

រឿងទាំង៦រឿងដែលបានដាក់បញ្ចាំងកាលពីយប់មិននេះ មានទាំងរឿងភ័យរន្ធត់ ស្នេហា កំប្លែង និងអភិនីហារ ប៉ុន្តែរឿងទាំងអស់សុទ្ធតែមានបង្កប់នូវការអប់រំយ៉ាងល្អផ្សេងៗគ្នា ដល់អ្នកទស្សនា។ ជាពិសេសជាងនេះទៅទៀត ផលិតករផលិតរឿងទាំង៦រឿងនេះ ផលិតករខ្លះផលិតរឿងជាលើកដំបូង តែទទួលបានការចាប់អារម្មណ៍ច្រើន។ បញ្ជាក់៖ ការប្រកួតប្រជែងនេះ សម្រាប់តែភាពយន្តខ្លីខ្មែរដែលល្អផ្ដាច់ ប្រចាំប្រទេសកម្ពុជាក្នុងឆ្នាំ២០១៧នេះ តែប៉ុណ្ណោះ។

ចុចអាន៖