BMW Z8 របស់សហស្ថាបនិក Apple ដាក់ដេញថ្លៃខែក្រោយ រំពឹងបានលុយកប់ពពក!

2017-10-30 07:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

រថយន្តប្រណិតមួយគ្រឿងម៉ូឌែល BMW Z8 ដែលជាកម្មសិទ្ធិរបស់លោក Steve Jobs សហស្ថាបនិកក្រុមហ៊ុនបច្ចេកវិទ្យាយក្ស Apple ត្រូវបានគេដាក់ដេញថ្លៃនៅទីក្រុងញូវយ៉ក សហរដ្ឋអាមេរិក នាខែធ្នូខាងមុខនេះ។

BMW Z8

រថយន្តប្រណិតកម្លាំងម៉ាស៊ីន ៤០០ សេះនេះ ត្រូវបានគេប៉ាន់ស្មានថា អាចនឹងដាក់ដេញថ្លៃតម្លៃចន្លោះពី **៣០០ ០០០ ទៅ ៤០០ ០០០ ដុល្លារ។**

BMW Z8 ត្រូវបានគេដឹងថា ចេញលក់នៅអំឡុងថ្ងៃទី ១ ខែមេសា ឆ្នាំ ២០០០។ វាក៏បានក្លាយជាកម្មសិទ្ធិលោក Jobs នៅខែតុលាចុងឆ្នាំ។ យោងតាមប្រភពពី Sotheby's ឲ្យដឹងថា Jobs បានទិញរថយន្តប្រណិតនេះពីលោក Larry Ellison នាយកប្រតិបត្តិក្រុមហ៊ុន Oracle។

លោក Steve Jobs

អំឡុង ១៧ ឆ្នាំចុងក្រោយ រថយន្តនោះត្រូវបានគេបើកបរត្រឹមតែ ២៤ ៤៦២ គីឡូម៉ែត្រ(ប្រមាណ ១៥ ២០០ ម៉ាយ) គិតតាំងពីថ្ងៃប្រកាសលក់(ថ្មី)។ បើគិតជាមធ្យមជិះបានតែ ១ ៦០៩ គីឡូម៉ែត្រ(១ ០០០ ម៉ាយ)ប៉ុណ្ណោះក្នុងមួយឆ្នាំ។

រថយន្តប្រណិតម៉ូឌែល Z8 ត្រូវបាន BMW ផលិតឡើងជាង ៥ ៧០០ គ្រឿង ចន្លោះពីឆ្នាំ ១៩៩៣ ដល់ ២០០៣ ដោយលក់ក្នុងតម្លៃប្រមាណជា ១២ ៨០០ ដុល្លារ មុនពេលដែលសហរដ្ឋអាមេរិក បានដាក់លក់ Z8 នេះប្រភេទធម្មតាមានតម្លៃប្រមាណជា ១៦ ៥០០ ទៅ ២០០ ០០០ ដុល្លារ។

ការដេញថ្លៃនេះ នឹងធ្វើនៅក្រុមហ៊ុន Sotheby's ជាក្រុមហ៊ុនដេញថ្លៃសាជីវកម្មពហុជាតិសាសន៍របស់ចក្រភពអង់គ្លេសដែលមានការិយាល័យកណ្ដាលនៅទីក្រុងញូវយ៉ក គ្រោងនឹងធ្វើនៅថ្ងៃទី ៦ ខែធ្នូ ក្នុងព្រឹត្តិការណ៍ Icon Event ដែលមានការដេញថ្លៃរថយន្តប្រណិតដទៃទៀតដូចជា Lamborghini, Ferrari, Jaguar និងម៉ូឌែលផ្សេងទៀតដែលអ្នកទាំងអស់គ្នា អាចចូលទៅមើលបាននៅនៅក្នុងប្លុកវិបសាយរបស់ Sotheby.com៕