មិនដល់ ៤ ឆ្នាំទៀតទេ រថយន្តបើកស្វ័យប្រវត្តិនឹងមានរត់លើដងផ្លូវ

2017-10-31 01:53:05
ចំនួនមតិ 0 | ចំនួនចែករំលែក 0

ចន្លោះមិនឃើញ

នាយកប្រតិបត្តិក្រុមហ៊ុន Nvidia លោក Jensen Huang បានប្រកាសជាសាធារណៈ រថយន្តបើកបរស្វ័យប្រវត្តិនឹងចាប់មានលើដងផ្លូវ ក្នុងរយៈពេលមិនដល់ ៤ ឆ្នាំទៀត ស្របពេលដែលក្រុមហ៊ុនផលិតរថយន្តជាច្រើនកំពុងអភិវឌ្ឍជាបន្តបន្ទាប់។ ដំណឹងនេះអាចយកជាការបាន ព្រោះក្រុមហ៊ុន Nvidia ក៏ជាដៃគូសហការផលិតបន្ទះឈីប AI សម្រាប់បំពាក់លើរថយន្តដោយស្វ័យប្រវត្តិ។

យោងតាមក្រុមវិភាគផ្នែកហិរញ្ញវត្ថុ Morningstar បានប៉ាន់ស្មានថា ក្រុមហ៊ុនកំពូលខាងផលិតបន្ទះឈីបក្រាហ្វិក Nvidia នឹងក្ដោបក្ដាប់ទីផ្សារ AI សកលចំនួន ៦៦ ភាគរយនាឆ្នាំ ២០២១។ នេះមានន័យថា បើរថយន្តបើកស្វ័យប្រវត្តិដាក់ឲ្យប្រើប្រាស់ពេញលេញ ៤ ភាគ ៥ ក្នុងតួរថយន្តទាំងនោះនឹងមានបង្កប់នូវបន្ទះឈីប AI របស់ Nvidia។

ចំពោះក្រុមហ៊ុនដែលគេរំពឹងទុកខ្ពស់នឹងជោគជ័យលើបច្ចេកវិទ្យាបើកបរស្វ័យប្រវត្តិនាពេលឆាប់ៗរួមមាន ក្រុមហ៊ុន Tesla, Ford, Audi, GM និង Nissan។

អានអត្ថបទបន្ទាប់

ប្រភព៖ thenextweb ប្រែសម្រួល៖ ប៊ុណ្ណារ៉ា