មុននឹងក្រោយថ្ងៃបុណ្យអុំទូកមួយថ្ងៃ មិនអនុញ្ញាតឲ្យយានយន្តទាំងនេះចូលក្នុងក្រុងដាច់ខាត

2017-10-31 03:20:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ដើម្បីកាត់បន្ថយការកកស្ទះចរាចរនៅរាជធានីភ្នំពេញក្នុងថ្ងៃព្រះរាជពិធីបុណ្យអុំទូក ដែលនឹងប្រព្រឹត្តទៅចាប់ពីថ្ងៃទី០២ ដល់ ០៤ វិច្ឆិកា នាំ ២០១៧ រដ្ឋបាលរាជធានីភ្នំពេញ បានចេញសេចក្ដីប្រកាសណែនាំដល់ម្ចាស់រថយន្ត ដឹកទំនិញនិងអ្នកដំណើរ ម៉ូតូសណ្ដោងរ៉ឺម៉ក ម្ចាស់ការដ្ឋានសំណង់ និងម្ចាស់អាជីវកម្មក្រឡុកស៊ីម៉ង់ ត្រូវផ្អាកអាជីវកម្ម និងហាមមិនឲ្យធ្វើចរាចរចូលក្នុងរាជធានីភ្នំពេញ ចាប់ពីថ្ងៃទី០១ ដល់ ០៥ វិច្ឆិកា ឆ្នាំ២០១៧។

តាមសេចក្ដីប្រកាសព័ត៌មានដដែលបានគូសបញ្ជាក់ថា រថយន្តដឹកអ្នកដំណើរ និងម៉ូតូសណ្ដោងរ៉ឺម៉ក មិនអនុញ្ញាតឲ្យចូលក្នុងរាជធានីភ្នំពេញ ចាប់ពីម៉ោង ១០ព្រឹក ដល់ ១០យប់ នៅចន្លោះថ្ងៃដូចបានរៀបរាប់ខាងលើឡើយ ប៉ុន្តែប្រភេទយានយន្តទាំងអស់នេះ អាចចរាចរបានចាប់ពីម៉ោង ១០ យប់ រហូតដល់ ១០ព្រឹកបាន។

ដោយឡែកចំពោះផ្លូវជាតិសំខាន់ៗពីបណ្ដាខេត្ត ក៏ត្រូវបង្វែរទិសដៅចរាចរផងដែរ តួយ៉ាង ផ្លូវជាតិលេខ១ រថយន្តដឹកទំនិញ ត្រូវចតនៅបរិវេណវត្តនិរោធរង្សី និងចំណតច្បារអំពៅ ខណៈរថយន្តដឹកអ្នកដំណើរ និងម៉ូតូសណ្ដោងរ៉ឺម៉ក ត្រូវចតវត្តនិរោធរង្សី និងខាងត្បូងវត្តព្រែកប្រា។ ផ្លូវជាតិលេខ២ គ្រប់ប្រភេទយានយន្តខាងលើ ត្រូវចតនៅវីទ្យាល័យចាក់អង្រែ។ ផ្លូវជាតិលេខ ៣ និង៤ គ្រប់ប្រភេទយានយន្តខាងលើ ត្រូវឆ្លងមកភ្នំពេញតាមប៉ែកពាយព្យនិងឥសាន្ត តាមផ្លូវជាតិលេខ៥ ឬឆ្លងកាត់ស្ពានព្រែកព្នៅ។ ផ្លូវជាតិលេខ៥ គ្រប់ប្រភេទយានយន្តខាងលើ ត្រូវចតនៅទំនប់កប់ស្រូវ ឬចំណតគីឡូលេខ៩ នៅសាលាដែក ដោយមិនឲ្យចូលហួសផ្លូវ ៦៨។ ផ្លូវជាតិលេខ៦ គ្រប់ប្រភេទយានយន្តខាងលើ ត្រូវចតនៅចំណតព្រែកលៀប និងតំបន់អភិវឌ្ឍន៍ OCIC ។

សេចក្ដីប្រកាសបញ្ចៀសចរាចរក្នុងថ្ងៃព្រះរាជពិធីបុណ្យអុំទូក៖