ទិដ្ឋភាពមិននឹកស្មានដល់ ក្នុងរណ្ដៅខៀវដ៏អាថ៌កំបាំង

2017-10-31 08:10:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមអ្នកវិទ្យាសាស្ត្រ បានស្រាវជ្រាវរកឃើញអាថ៌កំបាំងក្នុងរណ្ដៅបុរាណដ៏ធំសម្បើមមួយនៅវាលថ្មប៉ប្រះទឹក Great Barrier Reef របស់ប្រទេសអូស្ត្រាលី ដែលគ្រប់គ្នាមិនហ៊ានចុះទៅមើល។

ដោយមានការងឿងឆ្ងល់ និងចង់ដឹងថា មានអ្វីនៅក្នុងរណ្ដៅយក្សដ៏ជ្រៅគួរសមនេះ អ្នកជំនាញមួយក្រុមសម្រេចប្រថុយចុះទៅមើលដល់ជម្រៅប្រមាណ ២០ម៉ែត្រ ទើបប្រទះឃើញសម្រស់ធម្មជាតិដ៏អស្ចារ្យ។

គេរកឃើញ ផ្កាថ្មដ៏ស្រស់បំព្រង និងកម្របានជួបជាច្រើន ប៉ុន្តែពួកវាកំពុងរងការគំរាមកំហែងពីការឡើងកម្ដៅទឹកសមុទ្រ និងការបំផ្លាស់ទីរបស់ពពួកសារាយម្យ៉ាង។ អ្នកជំនាញផ្នែកជីវវិទូសត្វសមុទ្រលោក Johnny Gaskell បានបង្ហើបឲ្យដឹងថា ការរកឃើញរបស់ពួកគាត់ គឺជារឿងអស្ចារ្យមិននឹកស្មាន។

រណ្ដៅនេះស្ថិតនៅក្នុងសមុទ្រ Coral Sea ជាឆ្នេររបស់រដ្ឋ Queensland ប្រទេសអូស្ត្រាលី និងជាប្រព័ន្ធថ្មប៉ប្រះទឹកធំជាងគេលើលោក ប្រវែង ២ ៦០០គីឡូម៉ែត្រ ឬស្មើនឹងទីលានបាល់ទាត់ ៧០លានដង។ វាលនេះមានកន្ធាយ ៦ប្រភេទ បក្សី ២១៥ប្រភេទ ត្រីជាង ១ ៥០០ប្រភេទ និងពស់សមុទ្រ ១៧ប្រភេទ។ ទស្សនារូបភាពដ៏ស្រស់ស្អាតខាងក្រោម៖