អាថ៌កំបាំងទឹកទន្លេនៅអូស្ត្រាលី មានភ្លើងឆេះគួរឲ្យភ្ញាក់ផ្អើល

2016-04-23 17:16:16
ចំនួនមតិ 0 | ចំនួនចែករំលែក 0

ចន្លោះមិនឃើញ

វីដេអូមួយត្រូវបានគេបង្ហោះថ្ងៃសុក្រម្សិលមិញ និងចែកចាយរាប់ម៉ឺនដងលើបណ្ដាញសង្គម Facebook ដែលរៀបរាប់ពីអណ្ដាតភ្លើងដ៏ធំឆេះក្នុងទឹកទន្លេមួយយ៉ាងយូរ នៅប្រទេសអូស្ត្រាលី បានធ្វើឲ្យគ្រប់គ្នាមានការងឿងឆ្ងល់ និងចង់ដឹងមូលហេតុពិតប្រាកដ។

ទន្លេនេះឈ្មោះ Condamine River ស្ថិតនៅរដ្ឋ Queensland ប្រទេសអូស្ត្រាលី ត្រូវគេឃើញមានទឹកពុះចេញពីបាតក្រោម ដែលធ្វើឲ្យបុរសពីរនាក់ហ៊ានចុះពិសោធន៍ ទើបរកឃើញថា ពពុះទឹកចេញមកមានផ្ទុក ឧស្ម័នមេតាន។

បើតាមរយៈវីដេអូខាងលើ គេឃើញអ្នកទាំងពីរជិះទូកតូចមួយទៅកណ្ដាលទឹកពុះ រួចក៏យកដែកកេះអុជបញ្ឆេះ ស្រាប់តែអណ្ដាតភ្លើងឆេះសន្ធោឡើងភ្លាមៗ។ ដោយភ័យខ្លាចនឹងអណ្ដាតភ្លើងឆេះផ្ទុះទន្លេ លោក Buckingham បានប្រញាប់ទៅជ្រុងម្ខាងទៀតនៃទូករបស់ខ្លួន។ អណ្ដាតភ្លើងបន្តឆេះរយៈពេលជាង ១ម៉ោង រួចក៏រលត់ទៅវិញ ដោយមិនរាលដាលដូចគាត់គិតនោះទេ។

ឧស្ម័នមេតាននៅបាតទន្លេ ជិតទីក្រុង Chinchilla នៅភាគនិរតីរដ្ឋ Queensland នេះ ត្រូវបានគេរាយការណ៍ដំបូងក្នុងឆ្នាំ ២០១២ និងបង្កឲ្យមានការស៊ើបអង្កេតជាបន្តបន្ទាប់មក។ ចំណែកទឹកពុះបែបនេះ មានប្រវែងជាច្រើនគីឡូម៉ែត្រទៀតតាមដងទន្លេ ដែលមានឧស្ម័នមេតានអាចឆេះបានដូចគ្នា៕ សូមទស្សនាវីដេអូខាងក្រោម៖