Nikon ប្រកាសបិទរោងចក្រមួយកន្លែង ក្រោយលក់មិនឈ្នះស្មាតហ្វូន

2017-11-01 00:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Nikon បានប្រកាសជាផ្លូវការ ថាខ្លួននឹងបិទដំណើរការរោងចក្រផលិតកាមេរ៉ាប្រភេទ Compact មួយកន្លែងដែលមានទីតាំងក្នុងខេត្តជាំងស៊ូ ប្រទេសចិន។

មូលហេតុបណ្ដាលឲ្យឈានដល់ការបិទរោងចក្រដែលមានបុគ្គលិកប្រមាណ ២ ២៨៥ នាក់នេះ គឺមកពីចំនួននៃការលក់កាមេរ៉ាប្រភេទ Compact សម្រាប់ទីផ្សារប្រទេសចិនបានដាំក្បាលចុះយ៉ាងខ្លាំងត្រឹមប៉ុន្មានឆ្នាំចុងក្រោយនេះ ខណៈទីផ្សារស្មាតហ្វូនបានហក់ឡើងជាគំហុក។

រោងចក្រមួយកន្លែងនោះ ដំណើរការដំបូងក្នុងឆ្នាំ ២០០២ ដើម្បីផលិតកាមេរ៉ាខ្នាតតូចប្រភេទ ឌីជីថល Compact និង Lens សម្រាប់កាមេរ៉ា DSLR របស់ Nikon។

ការបិទទ្វានេះ តម្រូវឲ្យ Nikon ចាយទុនសម្រាប់ទូទាត់ដល់សំណងបុគ្គលិក និងចំណាយនានាអស់ប្រមាណជាង ៦២ លានដុល្លារ ហើយចំពោះគ្រឿងម៉ាស៊ីនមួយចំនួន គឺនឹងត្រូវយកមកបញ្ចូលជាមួយរោងចក្រក្នុងប្រទេសជប៉ុន និងថៃ៕

ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...

ចុចអានបន្ត ៖

ប្រភព៖ Global Times ប្រែសម្រួល៖ រដ្ឋ