អស់ស្ទះ! ការចំណាយទាំងអស់ក្នុងមង្គលការប្ដីប្រពន្ធ Song-Song ច្រើនដល់ម្ល៉ឹង

2017-11-02 04:03:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ពិធីរៀបអាពាហ៍ពិពាហ៍របស់ គូស្វាមីភរិយាថ្មីថ្មោងតារាសម្ដែង Song Joong Ki និង Song Hye Kyo បានធ្វើឲ្យកក្រើកពិភពសិល្បៈ ក៏ដូចជាអង្រួនបេះដូងអ្នកគាំទ្រជុំវិញពិភពលោក។

កម្មវិធីអស្ចារ្យដែលរៀបចំ យ៉ាងល្អឥតខ្ចោះបែបនេះ ត្រូវប្រារព្ធឡើងក្នុងសណ្ឋាគារល្បី Shilla Hotel ដោយជ្រើសយកផ្ទះប្រពៃណីបុរាណនៅទីនោះមានឈ្មោះថា Yeong Bin Gwan។ ទីកន្លែងនេះ ជាធម្មតា ត្រូវរៀបចំសម្រាប់អាពាហ៍ពិពាហ៍ខ្នាតតូច ហើយចំពោះចំណាយវិញ យ៉ាងហោចណាស់ក៏ខ្ទង់ ៧០លានវ៉ុន (ប្រហែល ៦៣ ០០ដុល្លារ)ដែរ។

ដោយឡែក ចំពោះពិធីមង្គលរបស់គូស្នេហ៍ Song-Song វិញ មានសេចក្ដីរាយការណ៍មកថា បានរៀបចំកន្លែងអង្គុយ ១៥០កន្លែង។ សម្រាប់ម្ហូបវិញ អ្នកទាំង ២ក៏បានរៀបចំយ៉ាងពិសេសដល់ភ្ញៀវកិត្តិយសដែលបានចូលរួមដែរ ហើយខ្ទង់ចំណាយវិញ គឺចន្លោះពី ២០០ ០០០វ៉ុន ទៅ ៣០០ ០០០ វ៉ុន (ប្រហែលពី ១៨០ ដុល្លារ ទៅ ២៧០ដុល្លារ)។

ចំណែកឯ បាច់ផ្កាដែលកូនក្រមុំ Song Hye Kyo កាន់វិញ គឺជាផ្កាម្យ៉ាងឈ្មោះ Lily បេះពីជ្រលងភ្នំ ហើយវាក៏ជាផ្កាដែលពិបាករកក្នុងប្រទេសកូរ៉េបំផុត ព្រោះផ្កានេះមានអាយុខ្លីណាស់ និងរីកតែក្នុងខែ ឧសភាប៉ុណ្ណោះ។ តម្លៃបាច់ផ្កា Lily នេះ គឺយ៉ាងហោចណាស់ ១លានវ៉ុន (ប្រហែល ៩០០ដុល្លារ) ហើយបើសម្រាប់មង្គលការក្នុងសណ្ឋាគារបែបនេះទៀត វាអាចនឹងមានតម្លៃរហូតទៅដល់ ១០លានវ៉ុន (ប្រហែល ៩០០០ដុល្លារ) ឯណោះ។

ចុងក្រោយគេ គឺរ៉ូបកូនក្រមុំ និងឯកសណ្ឋានកូនកំលោះ សុទ្ធតែជាម៉ាកល្បី (Christian Dior)។ ចំណុច១ទៀត ផ្កាដែលរៀបចំតុបតែងក្នុងកន្លែងប្រារព្ធពិធី តាមការប៉ាន់ស្មានគឺចំណាយខ្ទង់ ៥០លានវ៉ុន ទៅ ៨០លានវ៉ុន (ប្រហែល ៤៥ ០០០ ទៅ ៧២ ០០០ដុល្លារ)៕

ចុចអាន៖

ប្រភព៖ Soompi ប្រែសម្រួល៖ យី សុធារី