iOS 11.1 របស់ Apple ត្រូវជើងខ្លាំង Hack បានសម្រេចហើយ

2017-11-05 01:54:00
ចំនួនមតិ 0 | ចំនួនចែករំលែក 0

ចន្លោះមិនឃើញ

នាដើមសប្ដាហ៍នេះក្រុមហ៊ុន Apple បានប្រកាសបង្ហាញនូវប្រព័ន្ធប្រតិបត្តិ iOS 11.1 មានបន្ថែម Emoji ចំនួន ៧០ និងមុខងារពិសេសមួយចំនួន ក៏ដូចជាការជួសជុលចន្លោះប្រហោងនៃកម្មវិធី។

ចៃដន្យក្រោយការបើកឲ្យប្រើមួយថ្ងៃ នាព្រឹត្តិការណ៍ Pwn2Own ក្នុងការប្រកួតនូវទីក្រុង តូក្យូ ប្រទេសជប៉ុន ក្រុមអ្នកស្រាវជ្រាវប្រព័ន្ធសុវត្ថិភាព Tencent Keen Security Lab បានធ្វើការបំបែកកូដ iOS 11.1 លើទូរសព្ទ iPhone ដោយជោគជ័យ។

ប្រាក់រង្វាន់សម្រាប់ការបំបែកនៃប្រព័ន្ធ Wi-Fi លើ iOS នោះ ពួកគេទទួលបាន ៦ មុឺនដុល្លារ និងប្រា់បន្ថែមលើកទឹកចិត្ត ៥ មុឺនដុល្លារផ្សេងទៀត ម្ល៉ោះសរុបស្មើនឹង ១១ មុឺនដុល្លារនិង ១១ ពិន្ទុនៃ Master Pwn។ យ៉ាងណាមិញកំហុសឆ្គងដែល Apple ភ្លាត់ស្នៀតលើកនេះ ពុំមែនតែក្រុមខាងលើមួយនោះទេ ទៀតសោតអ្នកស្រាវជ្រាវដទៃមានដូចជាលោក Richard Zhu ក៏ស្ថិតក្នុងការគ្រប់គ្រងចន្លោះប្រហោងនៃកម្មវិធី Safari ក្នុង iOS 11.1 ផងដែរ៕

ទស្សនាវីដេអូខាងក្រោម៖