Ozil ជាគ្រាប់សំខាន់ សម្រាប់កាំភ្លើងធំ Arsenal តទល់ Man City
- 2017-11-05 03:41:01
- ចំនួនមតិ 0 | ចំនួនចែករំលែក 0
Ozil ជាគ្រាប់សំខាន់ សម្រាប់កាំភ្លើងធំ Arsenal តទល់ Man City
ចន្លោះមិនឃើញ
Mesut Ozil ជាកីឡាករសំខាន់ណាស់សម្រាប់ក្រុម Arsenal ក្នុងការប្រកួតជាមួយក្រុម Manchester City នៅវេលាម៉ោង៩:១៥នាទីយប់នេះ។ បើតាមសម្ដីរបស់លោក Arsene Wenger ។
Arsenal ជាក្រុមចុងក្រោយយកឈ្នះ Man City កាលពីខែមេសាកន្លងទៅ ក្នុងពានរង្វាន់ FA Cup វគ្គពាក់កណ្ដាលផ្ដាច់ព្រ័ត្រ។ ដោយតាំងពីពេលនោះមក Man City ធ្វើបានល្អរហូត តួយ៉ាងដូចបច្ចុប្បន្នកំពុងឈរលេខ១ក្នុងតារាងលីគ មាន២៨ពិន្ទុ ក្នុង១០ប្រកួតកន្លងមកនេះ។
ចំពោះកំណត់ត្រាធ្លាប់យកឈ្នះ Man City នេះដែរ លោក Wenger បាននិយាយថា៖ “ខ្ញុំអាចនិយាយថា Ozil កំពុងតែល្អខ្លាំង ទាំងស្មារតីនិងកាយសម្បទា។ អ្នកទាំងអស់គ្នានិយាយតែពី Sanchez ប៉ុន្តែសម្រាប់ Arsenal កីឡាករទាំងអស់សុទ្ធតែសំខាន់និងរកគ្រាប់បាល់បាន។ ខ្ញុំគិតថា Ozil នឹងជួយយើងបានច្រើនក្នុងការប្រកួតសំខាន់នេះ ព្រោះរូបគេជាកីឡាករសំខាន់ ត្រូវនឹងការប្រកួតសំខាន់”។
កាលពីម្សិលមិញនេះដែរ លោកPep Guardiola អ្នកចាត់ការក្រុម Manchester City បានអះអាងថាកូនក្រុមរបស់លោកមិនមែនជាម៉ាស៊ីនដែលមិនចេះហត់ មិនចេះចាញ់នោះទេ គង់មានថ្ងៃមួយពួកគេនឹងជួបបរាជ័យខ្លះមិនខាន។ ដោយនេះជាសម្ដីនិយាយមុនប៉ះ Arsenal យប់នេះ៕