"ឈប់ផឹកកាហ្វេថ្លៃៗ អ្នកនឹងមានលទ្ធភាពបានទិញ iPhone X”៖ Tim Cook

2017-11-05 05:14:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ខណៈដែលហ្វេន Apple មួយចំនួនធំកំពុងសាញរឿងតម្លៃរបស់ iPhone X ដែលថ្លៃកប់ពពកនោះ។ នាយកប្រតិបត្តិក្រុមហ៊ុនបច្ចេកវិទ្យាយក្ស Apple បានបោះពាក្យមួយឃ្លាយ៉ាងខ្លីថា៖ "ឈប់ផឹកកាហ្វេថ្លៃៗទៅ អ្នកនឹងមានលទ្ធភាពបានទិញ iPhone X ប្រើហើយ”។

នាយកប្រតិបត្តិក្រុមហ៊ុនបច្ចេកវិទ្យាយក្ស Apple

Tim Cook បានពន្យល់ទៅកាន់អ្នកកាសែតជុំវិញរឿងតម្លៃនេះថា អ្នកអាចរៀបគម្រោងសន្សំលុយយ៉ាងតិចក្នុងមួយខែ ៣៣ ដុល្លារ។ ហើយតម្លៃ ៣៣ ដុល្លារនេះ អាចថាថោកជាងតម្លៃកាហ្វេកន្លែងឡូយៗ ម៉ាកល្បីដែលអ្នកកំពុងផឹករាល់ថ្ងៃទៀតផង។ លោកសង្កត់ធ្ងន់ថា បើអ្នកលក់ iPhoneដែលអ្នកកំពុងប្រើបានប្រហែលជា ៣៥០ ដុល្លារទៀត ធ្វើដូចនេះ អ្នកអាចមានលទ្ធភាពគ្រប់គ្រាន់សម្រាប់ទិញ iPhone X បានមួយគ្រឿង។

iPhone X

លោកបានបញ្ជាក់បន្ថែមថា ប្រសិនបើ iPhone X វាមានតម្លៃថ្លៃខ្ពស់ពេក អ្នកគួរកាត់បន្ថយដំណើរកំសាន្ត លំហែកាយនានា(trip) ឬកាត់បន្ថយការទិញកាហ្វេថ្លៃៗ ដូចជា Starbucks ជាដើម ដូច្នេះអ្នកនឹងអាចមានលុយទិញ iPhone X បានហើយ៕

ចំពោះតម្លៃនៅបរទេស(សហរដ្ឋអេមេរិក) iPhone X ទំហំ 64GB តម្លៃ ៩៩៩ ដុល្លារ ឯទំហំ 256GB តម្លៃ ១១២៤ ដុល្លារ៕

ទស្សនាវីដេអូខាងក្រោម៖