ក្រុម BTS អាចនឹងក្លាយជាក្រុម K-Pop ដំបូងគេបង្អស់ក្នុងកម្មវិធីដ៏ល្បីរបស់ Ellen
- 2017-11-06 10:50:07
- ចំនួនមតិ 0 | ចំនួនចែករំលែក 0
ក្រុម BTS អាចនឹងក្លាយជាក្រុម K-Pop ដំបូងគេបង្អស់ក្នុងកម្មវិធីដ៏ល្បីរបស់ Ellen
ចន្លោះមិនឃើញ
ក្រុមតារាចម្រៀង BTS អាចនឹងក្លាយទៅជាក្រុមតារាចម្រៀងកូរ៉េដំបូងគេដែលមានវត្តមានក្នុងកម្មវិធីជជែកកម្សាន្តដ៏ល្បី The Ellen DeGeneres Show ក្នុងពេលឆាប់ៗនេះ។
កម្មវិធី The Ellen DeGeneres Show ជាកម្មវិធីដែលបង្កើតដោយតារាកំប្លែងសញ្ជាតិអាមេរិកដ៏ល្បីល្បាញឈ្មោះ Ellen DeGeneres ហើយបានអញ្ជើញភ្ញៀវកិត្តិយសល្បីៗជាច្រើនចាប់តាំងពីកម្មវិធីនេះចាក់ផ្សាយនៅក្នុងឆ្នាំ ២០០៣ មកម៉្លេះ។ ក្នុងនោះ កាលពីពេលថ្មីៗនេះ មានព័ត៌មានដ៏ភ្ញាក់ផ្អើលមួយ បានកើតឡើង នៅពេលដែលដឹងថា ក្រុមតារាចម្រៀង BTS អាចនឹងក្លាយជាក្រុមតារាចម្រៀងកូរ៉េដំបូងគេដែលមានវត្តមានក្នុងកម្មវិធីនេះ។
លោក Andy Lassner អ្នកដឹកនាំកម្មវិធី “The Ellen DeGeneres Show” បានឆ្លើយយ៉ាងជឿជាក់នៅពេលដែលឮសំណួរទាក់ទងនឹងវត្តមានរបស់ក្រុម BTS នៅក្នុងកម្មវិធីនេះថា៖ "វានឹងកើតមានឡើង"។
ចំណែក ផលិតកម្ម Big Hit Entertainment បានទទួលស្គាល់ថាពួកគេពិតជាបានទទួលសំណើអញ្ជើញក្រុម BTS ឡើងកម្មវិធីរបស់ Ellen ពិតមែន ប៉ុន្តែមិនទាន់បញ្ជាក់ពីគម្រោងច្បាស់ការនៅឡើយទេ។
ផលិតកម្មនេះដដែល បាននិយាយទៀតថា៖ “ពួកយើងបានទទួលសំណើ ដើម្បីឡើងកម្មវិធីជាច្រើនជុំវិញពិភពលោក ហើយកម្មវិធី Ellen Show ក៏ស្ថិតនៅក្នុងចំណោមនោះដែរ។ ប៉ុន្តែលទ្ធផលសម្រេចចុងក្រោយ មិនទាន់ប្រាកដនៅឡើយទេ ថា ក្រុម BTS នឹងមានវត្តមានក្នុងកម្មវិធីនោះ ឬយ៉ាងណានោះ”។
ទន្ទឹមនេះដែរ អ្នកគាំទ្រជុំវិញពិភពលោក ក៏កំពុងរង់ចាំយ៉ាងអន្ទះសានូវព័ត៌មានថ្មីផ្សេងទៀតទាក់ទងនឹងវត្តមានរបស់ក្រុមតារាប្រុសមួយនេះ លើឆាកកម្មវិធីជជែកកម្សាន្ត “The Ellen Show”៕
ចុចអាន៖