របាំខ្មែរមួយប្រភេទដែលបរទេសស្គាល់ច្រើន និងសរសើរមិនដាច់ពីមាត់

2017-11-08 00:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅក្នុងប្រទេសកម្ពុជាមានរបាំបុរាណជាច្រើនបង្ហាញពីវប្បធម៌ដ៏ចំណាស់របស់ខ្មែរ ហើយរបាំទាំងនោះពេញនិយមសម្ដែងក្នុងកម្មវិធីធំៗ និងកម្មវិធីនានាជាច្រើន។ បើនិយាយពីរបាំដែលពេញនិយមយកទៅសម្ដែងក្រៅប្រទេស ហើយជនបរទេសស្គាល់ច្បាស់នោះមានមិនច្រើនទេ។

បើតាមទីប្រឹក្សាក្រសួងវប្បធម៌និងវិចិត្រសិល្បៈលោក ព្រឿង ឈាង បានឱ្យ Sabay ដឹងថា របាំបុរាណខ្មែរមានច្រើនប្រភេទ ដូចជារបាំអប្សរា របាំទេពមនោរម្យ របាំជូនពរ របាំជាសាច់រឿង និងមានជាច្រើនទៀត។ តែរបាំដែលនាំយកទៅសម្ដែងនៅក្រៅប្រទេសច្រើនជាងគេ និងទទួលបានការគាំទ្រច្រើននោះគឺ របាំអប្សរា។ លោកថា របាំនេះល្អទាំងក្បាច់ ល្អទាំងសម្លៀកបំពាក់ ដែលធ្វើឱ្យបរទេសនៅប៉ែកអឺរ៉ុបចូលចិត្តទស្សនា និងសរសើរពីភាពចំណាស់ដ៏ល្អឯករបស់របាំនេះ។

ទីប្រឹក្សាក្រសួងវប្បធម៌និងវិចិត្រសិល្បៈលោក ព្រឿង ឈាង

“របាំដែលយកទៅសម្ដែងនៅក្រៅប្រទេស ហើយបរទេសស្គាល់ច្រើនជាងគេនោះគឺរបាំអប្សរា។ ជាពិសេសខាងអឺរ៉ុបគេចូលចិត្តណាស់ គេឱ្យតម្លៃណាស់ ដណ្ដើមគ្នាទិញសំបុត្រចូលមើល។ របាំអប្សរាហ្នឹងដូចជាប្រសាទអង្គរវត្តអីចឹង បើគេនិយាយពីស្ថាបត្យកម្ម គេនឹកដល់ប្រាសាទអង្គរវត្ត បើគេនិយាយពីរបាំគេនឹកដល់របាំអប្សរា របាំនេះល្អទាំងក្បាច់ទាំងសម្លៀកបំពាក់"។

របាំដែលខាងក្រសួងយកទៅសម្ដែងនៅក្រៅប្រទេស ភាគច្រើនមានរបាំ អប្សរា ទេពមនោរម្យ របាំជូនពរ របាំជាសាច់រឿង និងមានច្រើនទៀត ប៉ុន្តែរបាំដែលបរទេសស្គាល់ច្រើនជាងគេ ពេញនិយមច្រើនជាងគេគឺរបាំអប្សរា។ ចំណែកប្រទេសដែលកម្ពុជាបានយករបាំទាំងនេះទៅសម្ដែង ដើម្បីបង្ហាញពីវប្បធម៌របស់ខ្លួន មានទាំងទ្វីបអឺរ៉ុប អាស៊ី។

ចុចអាន៖

អត្ថបទ៖ ប៉ូ សាគុន