ច្បាស់ការ! Moyes ទៅជំនួស Slaven Bilic នៅ West Ham

2017-11-07 01:03:09
ចំនួនមតិ 0 | ចំនួនចែករំលែក 0

ចន្លោះមិនឃើញ

Slaven Bilic ទីបំផុតត្រូវ West Ham បណ្ដេញចេញពីតួនាទីជាអ្នកចាត់ការទូទៅហើយ ខណៈក្លឹបបានយកលោក David Moyes ជាអតីតអ្នកចាត់ការ Everton និង Manchester United មកជំនួសរហូតដល់បញ្ចប់រដូវកាល។

លោក Slaven Bilic

បុរសវ័យ៤៩ឆ្នាំ ចែកផ្លូវជាមួយក្លឹបរហស្សនាមថាញញួរធំក្រោយចាញ់ Liverpool ៤-១ នៅទឹកដីខ្លួនឯងធ្វើឲ្យ West Ham ស្ថិតនៅក្នុងតំបន់ត្រូវគេកាត់ចោល។ ក្លឹបមានមូលដ្ឋាននៅទីក្រុងឡុងជឿជាក់ថាការបែកបាក់ជាមួយលោក Bilic គឺជាការសម្រេចចិត្តត្រូវហើយអាចធ្វើឲ្យក្លឹបទទួលផលវិជ្ជមាន។

Bilic ធ្លាប់ជាគ្រូបង្វឹកក្រុមជម្រើសជាតិក្រូអាតរយៈពេល ៦ឆ្នាំ បន្ទាប់មកដឹកនាំក្លឹប Lokomotiv Moscow និង Beşiktaş មុនផ្លាស់ទៅ West Ham United កាលពីឆ្នាំ២០១៥។ កាលពីដើមរដូវកាលអតីតខ្សែការពាររូបនេះបានចំណាយលុយ៤២លានផោនដើម្បីទិញសមាជិកថ្មីរួមមានខ្សែប្រយុទ្ធ Marko Arnautovic និង Javier Hernandez ជាដើម។

ទោះជាយ៉ាងនេះក្ដីខ្សែប្រយុទ្ធឆ្នើមៗទាំងនោះមិនអាចជួយក្រុមឲ្យប្រសើរជាមុនបានទេ ផ្ទុយទៅវិញ West Ham រកបាន៩ពិន្ទុប៉ុណ្ណោះពី១១ប្រកួតហើយរបូតគ្រាប់ដល់ទៅ២៣៕