សិស្សបឋមសិក្សា ១ ៣២៦នាក់ ចូលរួមប្រកួតជើងឯកទូទាំងប្រទេសឆ្នាំ២០១៧នេះ
- 2017-11-07 03:05:46
- ចំនួនមតិ 0 | ចំនួនចែករំលែក 0
សិស្សបឋមសិក្សា ១ ៣២៦នាក់ ចូលរួមប្រកួតជើងឯកទូទាំងប្រទេសឆ្នាំ២០១៧នេះ
ចន្លោះមិនឃើញ
សម្រាប់ការប្រកួតជ្រើសរើសជើងឯក សិស្សបឋមសិក្សា ឆ្នាំ ២០១៧ ដែលធ្វើកម្មវិធីបើកម្សិលមិញនេះ មានកីឡាករ កីឡាការិនីរហូតទៅដល់ ១៣២៦នាក់ ចូលរួមដើម្បីប្រកួតប្រជែងយកជ័យជម្នះលើ៤ប្រភេទកីឡា។
បើតាមការឲ្យដឹងពីលោក ដួង មាសចំរើន ប្រធានគណៈកម្មការរៀបចំការប្រកួត លើកឡើងថា ដើម្បីអនុវត្តតាមផែនការប្រចាំឆ្នាំ ២០១៧ នេះ ក្រសួងអប់រំយុវជន និងកីឡា បានរៀបចំការប្រកួតកីឡាបឋមសិក្សាជ្រើសរើសជើងឯកទូទាំងប្រទេសប្រចាំឆ្នាំ ២០១៦-២០១៧។ ការប្រកួតនេះដែរមាន៤ប្រភេទកីឡា ទី១ បាល់ទាត់ ទី២ បាល់ទះ ទី៣ បាល់បោះ និងទី៤ អត្តពលកម្ម។
ប្រធានគណៈកម្មការប្រកួតខាងលើបន្តថា ទាំង៤ប្រភេទកីឡានេះ បាល់ទាត់ មាន១៩ក្រុម បាល់ទះមាន២១ក្រុម បាល់បោះ១៦ក្រុម និងអត្តពលកម្មមាន១៩ក្រុម ហើយសរុបទាំងអស់មានចំនួន ៣២៦នាក់ ក្នុងនោះស្រី ៥៣៩នាក់ផងដែរ។
លោក ស៊ាន បូរ៉ាត រដ្ឋលេខាធិការ ក្រសួងអប់រំយុវជន និងកីឡា ក៏ថ្លែងនៅពេលនោះដែរថា ការប្រកួតការប្រកួតជើងឯកទូទាំងប្រទេសសិស្សបឋមសិក្សានេះ គឺដើម្បីចម្រាញរកមើលកីឡាករ កីឡាការិនីដែលមានសមត្ថភាពលើប្រភេទកីឡានានា សម្រាប់រៀបចំយកទៅបណ្ដុះបណ្ដាលធ្វើជាយុវជនថ្នាល និងក្លាយជាកីឡាករជម្រើសជាតិ ហើយត្រូវប្រកួតតំណាងឲ្យប្រទេសទៀតផង។
ការប្រកួតជើងឯកសិស្សបឋមសិក្សាទូទាំងប្រទេសឆ្នាំ ២០១៧នេះ មានរយៈពេល៥ថ្ងៃ គឺចាប់ពីថ្ងៃទី៥ រហូតដល់ ទី១០ វិច្ឆិកា ២០១៧នេះ ហើយសិស្សដែលចូលរួមទាំងអស់មានចំនួន ១៣២៦នាក់ មកពី២៤រាជធានីខេត្ត៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
