WhatsApp នៅឥណ្ឌូណេស៊ីអាចនឹងបិទ ព្រោះពាក់ព័ន្ធរូប GIF អាសអាភាស

2017-11-07 12:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រទេសឥណ្ឌូណេស៊ីកាលពីប៉ុន្មានម៉ោងមុននិយាយថាខ្លួននឹងបិទកម្មវិធី WhatsApp របស់ Facebook ចោលក្នុងរយៈពេល ៤៨ ម៉ោងបើសិនជាក្រុមហ៊ុនមិនបានធានាថារូបភាពមានចលនា GIF(Graphics Interchange Format) អាសអាភាស មិនត្រូវបានលុបចេញពីកម្មវិធីរបស់ខ្លួននោះទេ។

កម្មវិធី WhatsApp ដែលពេញនិយមប្រើប្រាស់ទូលំទូលាយក្នុងប្រទេសមានអ្នកកាន់សាសនាអ៊ីស្លាមច្រើនជាងគេបំផុតក្នុងលោកឥណ្ឌូណេស៊ីត្រូវបានស្នើដោយក្រុមអជ្ញាធរសន្តិសុខជាតិឥណ្ឌូណេស៊ីឱ្យលុបរូបភាពអាសអាភាស GIF ដែលផ្តល់ដោយភាគីទី៣ឈ្មោះ Tenor។

លោក Semuel Abrijani Pangerapan នាយកគ្រប់គ្រងទូទៅប្រចាំក្រសួងទំនាក់ទំនង និងព័ត៌មាននិយាយថា WhatsApp នឹងត្រូវបានបិទក្នុងរយៈពេល ៤៨ ម៉ោងដរាបណារូបភាព GIFផ្តល់ដោយភាគីទី៣មានក្នុងកម្មវិធី WhatsAppមិនត្រូវបានយកចេញនោះទេ។

លោក Semuel Abrijani Pangerapan នាយកគ្រប់គ្រង

លោបន្តថា ពិតប្រាកដណាស់ ពួកគេត្រូវតែគោរពគោលការណ៍របស់ប្រទេសហើយក្រសួងបានផ្ញើលិខិតចំហរបីច្បាប់ទៅកាន់ WhatsApp ពាក់ព័ន្ធនឹងបញ្ហានេះ ។ យ៉ាងណាមិញស្រីអ្នកនាំពាក្យរបស់ Facebook Asia លោកស្រី Charlene Chian និយាយថាកម្មវិធី WhatsApp ឱ្យអ្នកប្រើប្រាស់ទាំងអស់រកមើលរូប GIF ដោយប្រើប្រាស់សេវាកម្មរបស់ភាគីទី៣ហើយខ្លួនមិនអាចត្រួតពិនិត្យ GIF បាននោះទេព្រោះរាល់រូបភាពនីមួយៗសុទ្ធតែជាប់កូដសម្ងាត់។

ឥណ្ឌូណេស៊ីមានអ្នកប្រើប្រាស់ហ្វេសប៊ុកជាសកម្មចំនួន ៦៩ លាននាក់ប្រចាំខែកាលពីត្រីមាសទី១នៃឆ្នាំ ២០១៤ ដោយឈរនៅលេខ៤បន្ទាប់ពីអាមេរិក ឥណ្ឌានិងប្រទេសប្រេស៊ីល ។ នេះបើយោងតាមទិន្នន័យរបស់ក្រុមហ៊ុនបានបង្ហាញ ។ តើវាសនា WhatsApp នៅទឹកដីឥណ្ឌូណេស៊ីអាចជួបរឿងជូរចត់ដូច Telegram ឬអត់? ខណៈពេលដែល Telegram ត្រូវបានប្លុកចោលកាលពីខែកក្កដាដោយចោទថាកម្មវធីនេះជាកន្លែងប្រមូលផ្តុំភេវរករដោយមានក្រុមគាំទ្ររដ្ឋអ៊ីស្លាម។

មូលនិធិអ្នកប្រើប្រាស់ឥណ្ឌូណេស៊ី YLKI បានជម្រុញឱ្យក្រសួងទំនាក់ទំនងបិទរាល់រូបភាព GIFs អាសអាភាសតាមរយៈសញ្ញាផ្សេងៗដោយត្អូញត្អែរថាក្មេងៗអាចរកមើលរូបអស់ទាំងនោះបានដោយងាយ៕