ធាតុផ្សំសំខាន់ លើប្រព័ន្ធដំណើរការម៉ាស៊ីនរថយន្ត

2017-11-25 04:32:50
ចំនួនមតិ 0 | ចំនួនចែករំលែក 0

ចន្លោះមិនឃើញ

រថយន្តអាចដំណើរការទៅមុខបាន ត្រូវមានធាតុផ្សំជាច្រើន។

លោកគ្រូ ពិន ចាន់ធូ ជាគ្រូបង្រៀនផ្នែកគ្រឿងម៉ាស៊ីនរថយន្តនៅសាលាបង្រៀន បច្ចេកទេសរថយន្ត JVC បានប្រាប់ Sabay ថា ម៉ាស៊ីនដើរតួយ៉ាងសំខាន់ នៃប្រព័ន្ធដំណើរការរថយន្ត។ នៅពេលម៉ាស៊ីនរថយន្តចាប់ផ្ដើមបញ្ឆេះ និងធ្វើការបញ្ចូលលេខ វានឹងធ្វើចលនាប្រទាក់ទៅកង់រថយន្ត ដើម្បីឲ្យរថយន្តអាចបើកទៅមុខ។

លោកថា ក្នុងតួម៉ាស៊ីន ត្រូវមានប្រព័ន្ធរួមផ្សំជាច្រើនដើម្បីរថយន្តដំណើរការទៅស្រួល។ ប្រព័ន្ធរួមផ្សំដែលលោកចង់និយាយនោះគឺមាន ៧។

ប្រព័ន្ធប្រេងឥន្ធនៈ៖ សម្រាប់ផ្គត់ផ្គង់ទៅឲ្យម៉ាស៊ីនបញ្ឆះ ដំណើរការទៅមុខ
ប្រព័ន្ធទឹក៖ ដើរតួយ៉ាងសំខាន់ដើម្បីរក្សាកម្ដៅម៉ាស៊ីនរថយន្ត កុំឲ្យឡើងកម្ដៅខ្លាំង
ប្រព័ន្ធប្រេងរំអិល៖ ជាផ្នែកមួយដែលជួយឲ្យរថយន្តធ្វើចលនាបានល្អ កាត់បន្ថយការកកិត
ប្រព័ន្ធអគ្គិសនី (ដេម៉ារ័រ)៖ ចាំបាច់បំផុតសម្រាប់ធ្វើការចាប់ផ្ដើមដេរបញ្ឆេះម៉ាស៊ីន ឲ្យដំណើរការលើកដំបូង
ប្រព័ន្ធសាក់៖ មានដូចជាឌីណាម៉ូសម្រាប់ផ្ដល់ថាមពលទៅឲ្យអាគុយ និងធ្វើការផ្គត់ផ្គង់ភ្លើងទៅឲ្យម៉ាស៊ីននិងតួរថយន្ត
ប្រព័ន្ធផ្លូវឧស្ម័នចេញចូល៖ មានតួនាទីបឺតខ្យល់ចូល និងបញ្ចេញឧស្ម័នដែលកើតចេញពីចំហេះរថយន្តមកបរិយាកាស- ខាងក្រៅ
ប្រព័ន្ធបង្កាត់ភ្លើង៖ សម្រាប់ម៉ាស៊ីនសាំងបង្កើតចំហេះ ដែលនៅចន្លោះប៊ូស៊ីដើម្បីដុតបញ្ឆេះល្បាយ ឧស្ម័នដែលបានបឺតចូល ចំណែកម៉ាស៊ីនម៉ាស៊ូតវិញគេហៅថាកម្ដៅស្អំសម្រាប់កម្ដៅឧស្ម័នដែលបានបឺតបញ្ចូលដើម្បីឲ្យងាយស្រួលដេរបញ្ឆេះ។