មិន​ទាន់​ចេញ​ជា​ផ្លូវការ​ ​ប៉ុន្តែ​រូបរាង​នៃ​ស្មាតហ្វូន​ដ៏​ល្បី​របស់​ចិន​ ​Xiaomi​ ​ម៉ូដែល​ ​Mi Mix 2s​ ​ត្រូវ​គេ​ថត​បាន​ ​និង​ចែកចាយ​ពេញ​បណ្ដាញ​អ៊ីនធឺណិត។

យោង​តាម​រូប​ដែល​គេ​ថត​បាន​នោះ​ ​Xiaomi Mi Mix 2s​ ​ជា​ស្មាតហ្វូន​មាន​គែម​អេក្រង់​ស្ដើង​ ​និង​គ្មាន​ប៊ូតុង​នៅ​ខាង​មុខ​ ​ពោល​គឺ​ខុស​ទាំង​ស្រុង​ពី​ស្មាតហ្វូន​ម៉ូដែល​មុន​ៗ​របស់​ពួក​គេ។

ដោយ​ឡែក​ ​ជា​មួយ​រូបរាង​ថ្មី​របស់​ ​Xiaomi Mi Mix 2s​ ​នេះ​ ​ត្រូវ​បាន​មតិ​អន្តរជាតិ​បាញ់​ចំ​ៗ​ថា​បាន​ចម្លង​ម៉ូដ​តាម​អេក្រង់​របស់​ ​iPhone X​ ​យ៉ាង​ច្បាស់​ក្រឡែត។ ប៉ុន្តែ​ទោះ​ជា​មាន​ការ​លើក​ឡើង​យ៉ាង​នេះ​ក្ដី​ ​អ្នក​វិភាគ​ជា​ច្រើន​នៅ​តែ​ជឿ​ថា​អតិថិជន​របស់​ ​Xiaomi​ ​មិន​គិត​ពី​ចំណុច​នេះ​ឡើយ​ ​ពោល​ពួក​គេ​និយម​ផលិតផល​ក្នុង​ស្រុក​ ​ដែល​ធ្វើ​ឲ្យ​ប៉ុន្មាន​ខែ​ចុង​ក្រោយ​នេះ​ ​ចំនួន​លក់​របស់​ ​Apple​ ​ក្នុង​ទីផ្សារ​មាន​ការ​ធ្លាក់​ចុះ​ខ្លាំង៕

ទទួល​បាន​ព័ត៌មាន​ថ្មីៗ​ ​គន្លឹះ​មាន​ប្រយោជន៍​រួម​ទាំង​ចំណេះដឹង​ផ្សេង​ៗ​ពី​បច្ចេកវិទ្យា​ ​កុំ​ភ្លេច​ចុច Like Page Sabay News Technology...

ចុច​អាន​បន្ត៖

• ថ្ងៃ​នេះ​សូម្បី​ ​Google​ ​ក៏​អបអរ​កម្ពុជា​ដែរ
• ប្រៀបធៀប​ ​iPhone X​ ​និង​ ​iPhone​ ​ជំនាន់​ទី​មួយ​ចេញ​តាំង​ឆ្នាំ ២០០៧ ខុស​គ្នា​យ៉ាង​ណា​?

ប្រភព៖ GSMarena   ប្រែ​សម្រួល៖ រដ្ឋ