តិចនិកថតថ្ងៃលិច គ្រប់គ្នាគួរសាកធ្វើតាម

2017-11-10 02:16:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ទិដ្ឋភាពថ្ងៃលិចមានភាពស្រស់ស្អាតខ្លាំង ដោយមានពណ៌ចម្រុះ ក្រហម ផ្កាឈូក ទឹកក្រូច ជាដើម ទៅតាមកម្រិតពន្លឺជះមកប៉ះនឹងពពក។ ការថតរូបទិដ្ឋភាពបែបនេះទាមទារនូវទីតាំងល្អ ពេលវេលាល្អ និងប្រើការកំណត់ (Setting) ក្នុងកាមេរ៉ាឲ្យបានត្រឹមត្រូវ។ អ្នកអាចពិនិត្យមើលចំណុចខាងក្រោមជាយោបល់ ក្នុងការផ្ដិតយកនូវទិដ្ឋភាពដ៏ស្រស់ស្អាតនេះ។

ស្វែងរកទីតាំងថ្ងៃលិចល្អបំផុត

អ្នកអាចស្វែងរកនូវគំរូនៃរូបភាពថ្ងៃលិចលើ Google ដោយមានពាក្យគន្លឹះ "[Location] sunset" ឬស្វែងរកក្នុងគេហទំព័រ Stock image អ្នកនឹងឃើញបណ្ដាលរូបភាពជាមួយនឹងទីតាំងស្អាតៗ។

ម៉ោងប៉ុន្មានថ្ងៃលិច

អ្នកអាចស្វែងរកនូវព័ត៌មាននេះលើ Google ដែលអាចប្រាប់អ្នកនូវពេលណាថ្ងៃលិច ក្នុងទីតាំងអ្នកជ្រើសរើស។ អ្នកគួរជ្រើសរើសទីតាំងថ្ងៃលិចកៀកនឹង Golden Hour (ពេលវេលាមានពន្លឺជះពណ៌ដូចមាស)។ មួយវិញទៀត អ្នកអាចប្រើកម្មវិធី PhotoPills សម្រាប់ពិនិត្យមើលព័ត៌មានទាំងនេះ។

កាមេរ៉ា Settings សម្រាប់រូបភាពថ្ងៃលិច

គួរថតក្នុងទម្រង់ RAW

អ្នកគួរថតក្នុងទម្រង់ RAW ដើម្បីការពារនូវ Settings កំពុងប្រើប្រាស់មានលទ្ធផលមិនសូវល្អ ដោយងាយស្រួលកែប្រែពេលក្រោយ។

កំណត់នូវ White Balance

អ្នកគួរកំណត់ White Balance ទៅ Daylight ឬ Cloudy ដើម្បីឲ្យទិដ្ឋភាពមើលទៅស្រទំស្អាតក្នុងការថត។

ប្រើ Aperture Priority

ការប្រើ Aperture Priory នឹងផ្ដល់ឲ្យអ្នកគ្រប់គ្រងលើ Depth of field។ ការថតជាមួយនឹង Aperture តូច ដោយចំនួន f-stop f/16 ឬខ្ពស់ជាងនេះ នឹងធ្វើឲ្យ Depth of field ធំដែលទិដ្ឋភាពមានការ Focus ច្រើន។

រក្សា ISO ក្នុងកម្រិតទាប

ដើម្បីជៀសវាងនូវ Noise លើរូបភាព អ្នកគួរប្រើ ISO ទាបបំផុតតាមដែលអាចធ្វើទៅបានសម្រាប់ចំនួនពន្លឺអ្នកមាន។ ប្រសិនបើថ្ងៃលិចមានពពកច្រើន ឬអ្នកថតទិដ្ឋភាពមានស្រមោលច្រើន អ្នកប្រហែលជាត្រូវតែបង្កើន ISO ប៉ុន្តែលុះត្រាតែអ្នកប្រើ Tripod ផងដែរ។

Composition សម្រាប់រូបភាពថ្ងៃលិច

ជាធម្មតា អ្នកប្រហែលកាន់កាមេរ៉ា តម្រង់ទៅនឹងថ្ងៃលិច ហើយចាប់ផ្ដើមថតតែម្ដង ប៉ុន្តែប្រសិនបើអ្នកចង់ផលិតរូបភាពបែបប្លែកពីគេ អ្នកអាចពិនិត្យគំនិតទាំងនេះ។

ការពង្រីក (Zoom in)

កាមេរ៉ាភាគច្រើនមាន Lens wide-angle ដូច្នេះអ្នកអាចកំណត់នូវកន្លែងប្លង់ណាល្អ រួចពង្រីកដើម្បីថត។

ថតងាកចេញពីព្រះអាទិត្យ

អ្នកអាចតម្រង់ Lens អ្នកផ្ទុយពីទិសដៅដោយផ្ទាល់ទៅនឹងព្រះអាទិត្យ ដោយសារអ្នកនៅតែទទួលបាននូវពន្លឺថ្ងៃលិចជះមកក្នុងទិដ្ឋភាព ដោយគ្រាន់តែមិនមានចំណុចមូលពណ៌ទឹកក្រូច។

រង់ចាំពេល Blue Hour

ភាគច្រើនអ្នកថតរូបស្គាល់នូវ Golden Hour ដែលជាពេលវេលាល្អមុនថ្ងៃលិច។ Blue Hour សំដៅលើពេលវេលា ១០ នាទីក្រោយថ្ងៃលិច។ មេឃមិនមានពណ៌ចម្រុះនោះទេពេល Blue Hour ដែលល្អសម្រាប់ថតរូបទីក្រុង ឬទេសភាពជាមួយនឹងពណ៌ខៀវតិចៗលើមេឃ។ អ្នកប្រហែលជាត្រូវការប្រើ Tripod ក្នុងការថត កំឡុងពេល Blue Hour ដោយសារមានភាពងងឹតដោយគ្មានព្រះអាទិត្យ៕