សិស្សនៅសិង្ហបុរី ហ៊ានតែល្មើសរឿងមួយអាចត្រូវបណ្តេញចេញពីសាលា
- 2017-11-13 03:58:35
- ចំនួនមតិ 0 | ចំនួនចែករំលែក 0
សិស្សនៅសិង្ហបុរី ហ៊ានតែល្មើសរឿងមួយអាចត្រូវបណ្តេញចេញពីសាលា
ចន្លោះមិនឃើញ
យាន សៀងលីដែត បានទៅរស់នៅនិងសិក្សានៅប្រទេសសិង្ហបុរីជាច្រើនឆ្នាំមកហើយ។ យុវតីរូបនេះកំពុងសិក្សាថ្នាក់ PHD ជំនាញវិទ្យាសាស្ត្រកុំព្យូទ័រនៅសាលាបច្ចេកវិទ្យាណាងយ៉ាង តាមរយៈអាហារូបករណ៍ពីរដ្ឋាភិបាលសិង្ហបុរី។
យុវតីកូនអ្នកភ្នំពេញនេះ បានលើកឡើងពីរឿងមួយដែលសិស្សនៅសិង្ហបុរី ត្រូវប្រកាន់ភ្ជាប់ជាដាច់ខាត។
លីដែតថា ប្រទេសកូនកោះតូចខ្លឹមសំបូរធនធានមនុស្សនេះ សិស្សរៀនមិនអាចលួចចម្លងស្នាដៃគ្នាបាននោះទេ។ ការលួចចម្លងស្នាដៃអ្នកដទៃ ជាបទល្មើសមិនអាចលើកលែងបាន ទោះបីក្នុងរូបភាពណាក៏ដោយ ដែលធ្ងន់ធ្ងរអាចទទួលរងការវិន័យឬការបណ្ដេញចេញពីសាលា។
លីដែតបន្តថា មុនបញ្ចប់ការសិក្សា សិស្សត្រូវទទួលការសិក្សាវគ្គខ្លីពិសេសពីច្បាប់កម្មសិទ្ធបញ្ញា ដែលតម្រូវឱ្យទទួលបានកម្រិតពិន្ទុយ៉ាងតិច 80%។
នៅពេលដាក់កិច្ចការសាលាដែលធ្វើតាមឌីជីថល ត្រូវឆ្លងកាត់ប្រព័ន្ធត្រួតពិនិត្យ ដើម្បីពិនិត្យមើលភាពស្រដៀងគ្នាជាមួយកិច្ចការសិស្សដទៃទៀត ឬដកចេញពីប្រភពណាមួយ។ ជាទូទៅតម្រូវឱ្យមានភាពស្រដៀងគ្នាតិចជាង 10% ប្រសិនរកឃើញលើសការកំណត់ នឹងទទួលបានសូន្យពិន្ទុសម្រាប់កិច្ចការដែលបានធ្វើ។ ទាំងនេះគឺគ្រប់គ្រាន់សម្រាប់សិស្ស ដើម្បីឱ្យដឹងអំពីការលួចចម្លងនិងគោរពតាមច្បាប់។
លីដែតយល់ឃើញថា ការសង្កត់ធ្ងន់លើការលួចចម្លងគឺមានសារៈសំខាន់ណាស់ ដើម្បីឲ្យសិស្សយល់ដឹង យល់ពីតម្លៃការងារអ្នកដទៃ អាចបន្តច្នៃប្រឌិតនិងបង្កើតអ្វីដែលថ្មី និងទទួលបានអ្វីជាស្នាដៃជាលទ្ធផលកើតពីការខិតខំប្រឹងប្រែងសម្រេចបាន។
អានអត្ថបទបន្ទាប់
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
