ហេតុអ្វី​បាន​ជា​អ្នក​គួរ​ថតរូប​ច្រើន​សន្លឹក?

  • 2017-11-10 02:38:47
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ការ​ថតរូប​ច្រើន​សន្លឹក​ ​អាច​នឹង​បង្កើត​កំហុស​ច្រើន​ ​ហើយ​ក៏​អាច​ធ្វើ​ឲ្យ​អ្នក​ថតរូប​រីកចម្រើន​ផង​ដែរ​។ អ្នក​គួរ​ថតរូប​នូវ​ស្ថានភាព​ផ្សេង​ៗ​ឲ្យ​បាន​ច្រើន​សន្លឹក​ងាយស្រួល​ជ្រើសរើស​មក​ប្រើប្រាស់​ ​ប៉ុន្តែ​មិនមែន​ថត​យក​ៗ​នៅ​កន្លែង​មុំ​ដដែលៗ​នោះ​ទេ​។ អ្នក​អាច​ពិនិត្យ​មើល​នូវ​ខ្លឹមសារ​ខាងក្រោម​ ​ដើម្បី​ជា​គំនិត​សម្រាប់​ការ​ថតរូប​របស់​​អ្នក។

  • បង្កើន​រូបភាព

ការ​ថតរូប​ខួប​កំណើត​ ​មនុស្ស​ ​ឬ​ព្រឹត្តិការណ៍​នានា​ ​ការ​ដែល​ថតរូប​តិច​នឹង​កាត់បន្ថយ​អត្រា​ជោគជ័យ​លើ​គុណភាព​រូប​។ ការ​ប្រើ​ ​Composition​ ​រយៈពេល​ ​និង​ ​Exposure​ ​ផ្សេងៗ​គ្នា​លើ​រូបភាព​នីមួយៗ​ នឹង​ផ្ដល់​ឲ្យ​អ្នក​នូវ​ជម្រើស​ច្រើន​ក្នុង​ការ​កែប្រែ​រូបភាព​ឲ្យ​បាន​ល្អ។

  • Composition ខុសគ្នា​ និង​ការ​រំកិល​ចុះ​ឡើង​

ការ​ផ្លាស់ប្ដូរ​ ​Composition​ ​តែ​បន្តិច​អាច​ផលិត​នូវ​រូបភាព​ផ្សេង​គ្នា​ ​ដូច្នេះ​ប្រសិនបើ​អ្នក​ថត​តែ​មួយ​សន្លឹក​ ​ឬ​ពីរ​ដោយ​មិន​រំកិល​កាមេរ៉ា​ ​អ្នក​ប្រហែល​ជា​បាត់បង់​នូវ​មុំ​ល្អ​។ ការ​រំកិល​ទីតាំង​ទៅ​ចំហៀង​ ​ចុះ​ក្រោម​ ​ឡើង​លើ​ ​សូម្បី​តែ​បន្តិច​ ​ឬ​កែប្រែ​ ​Focal length​ ​ពេល​អ្នក​ថតរូប​គ្មាន​ចលនា​នឹង​ផ្ដល់​នូវ​រូបភាព​ខុស​ៗ​គ្នា​។ ដូច្នេះ​អ្នក​អាច​ទាញ​ប្រយោជន៍​ពី​បណ្ដាល​រូបភាព​ខុស​ៗ​គ្នា​ទាំង​នោះ​ ​ក្នុង​ការ​កែប្រែ​។

  • Subject មាន​ចលនា​

ពេល​អ្នក​ថតរូប​មាន​ចលនា​ ​គួរ​ថត​ឲ្យ​បាន​ច្រើន​សន្លឹក​ ​ព្រោះ​ទីតាំង​របស់​ ​Subject​ ​ផ្លាស់ប្ដូរ​ ​ទិដ្ឋភាព​អាច​ខុសគ្នា​ ​ហើយ​ទំនាក់ទំនង​របស់​ ​Subject​ ​ទៅ​នឹង​ផ្ទៃ​ខាងក្រោយ​នឹង​កែប្រែ​ ​អាច​ល្អ​ ​ឬ​មិន​ល្អ​។ ចម្ងាយ​រវាង​ ​Subject​ ​និង​កាមេរ៉ា​ប្រហែល​ជា​ផ្លាស់ប្ដូរ​ ​ដែល​អាច​បាត់បង់​ការ​ ​Focus។ ពេល​ ​Subject មាន​ចលនា​ ​ទីតាំង​របស់​ពួកគេ​ក្នុង​ ​Frame​ ​នឹង​ខុសគ្នា​ជា​បន្តបន្ទាប់​ ​ដូច្នេះ​អ្នក​គួរ​ថតរូប​ឲ្យ​បាន​ច្រើន​សន្លឹក​។

  • ប្រើ​ Continuous shooting mode

ការ​ថតរូប​ដោយ​ចុច​ឲ្យ​ជាប់​នឹង​ប៊ូតុង​ ​Shutter​ ​លើ​កាមេរ៉ា​នឹង​កំណត់​ប្រើ​ ​Continuous shooting (burst) mode។ ការ​ថតរូប​បែប​នេះ​មិន​តែង​តែ​ផ្ដល់​នូវ​លទ្ធផល​ល្អ​នោះ​ទេ​ ​បើសិនជា​អ្នក​មិន​បាន​គិត​ពី​សកម្មភាព​។ អ្នក​គួរ​សម្គាល់​មើល​ពី​សកម្មភាព​នៃ​ ​Subject​ ​នឹង​ជ្រើសរើស​ ​Exposure​ ​ឲ្យ​បាន​ត្រឹមត្រូវ​នឹង​ផ្ដល់​នូវ​ទិដ្ឋភាព​ល្អ។

  • ការ​ប្រែប្រួល​ ​Exposure

អ្នក​អាច​សាកល្បង​ប្រើ​នូវ​ ​Exposure setting​ ​ផ្សេង​គ្នា​ ​ក្នុង​ការ​ផលិត​នូវ​រូបភាព​គួរ​ឲ្យ​ចាប់​អារម្មណ៍​លើ​រូបភាព​តែ​មួយ។ ប្រសិនបើ​អ្នក​កំពុង​ប្រើ​នូវ​ ​Auto mode​ ​លើ​កាមេរ៉ា​ ​អ្នក​គួរ​ប្ដូរ​ទៅ​ ​Manual mode រួច​ថតរូប​ច្រើន​សន្លឹក​ ​ដោយ​កែប្រែ​ ​Exposure​ ​តែ​បន្តិច​នៃ​រូបភាព​នីមួយៗ​។

  • ពិនិត្យ​មើល​ភាព​លម្អិត​

ការ​សម្គាល់​មើល​ធាតុ​ក្នុង​ ​Frame​ ​អាច​ផ្ដល់​នូវ​ភាព​ខុសគ្នា​ធំ​ ​ពេល​ថតរូប​។ ពិនិត្យ​មើល​ការ​ផ្លាស់ប្ដូរ​ពន្លឺ​ដែល​នឹង​អាច​ប៉ះពាល់​ដល់​ ​Exposure​ ​អ្នក​។ ពិនិត្យ​មើល​ចលនា​ ​និង​កែប្រែ​ ​Composition​ ​អ្នក​។ ដូច្នេះ​អ្នក​គួរ​ថតរូប​ឲ្យ​បាន​ច្រើន​សន្លឹក​។ ជា​ធម្មតា​ ​មុំ​ដំបូង​អ្នក​គិត​ថា​ល្អ​អាច​មិន​មែន​ល្អ​បំផុត​នោះ​ទេ​ ដូច្នេះ​ប្រសិនបើ​អ្នក​ប្រើ​តែ​ ​Exposure​ ​មួយ​ ​ឬ​ពីរ​ ​អ្នក​មិន​ទទួល​បាន​រូបភាព​ល្អ​នោះ​ឡើយ​។  Composition​ ​ទី​ពីរ​អ្នក​ជ្រើសរើស​ប្រហែល​ល្អ​ ​ប៉ុន្តែ​គ្រប់គ្នា​សុទ្ធ​តែ​ធ្វើ​បែប​នេះ​។ ដូច្នេះ​ ​Composition ទី​បី​នឹង​ធ្វើ​ឲ្យ​លទ្ធផល​កាន់​តែ​ប្រសើរ​ ​និង​ជា​រូបភាព​កម្រ​ សម្រាប់​ស្នាដៃ​អ្នក​៕

ទទួល​បាន​ព័ត៌មាន​ថ្មីៗ​ ​គន្លឹះ​មាន​ប្រយោជន៍​រួម​ទាំង​ចំណេះដឹង​ផ្សេង​ៗ​ពី​បច្ចេកវិទ្យា​ ​កុំ​ភ្លេច​ចុច Like Page Sabay News Technology...

ចុច​អាន​បន្ត៖

ប្រភព៖ Digital Photography School   ប្រែសម្រួល៖ ប៊ុន ធឿន