កែ ឡេង ឈរលើគេវគ្គជម្រុះវិញ្ញាសា Shooting ជើងឯកប៉េតង់ពិភពលោក

2017-11-10 06:31:16
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាការិនី កែ ឡេង ជាម្ចាស់មេដាយមាសពិភពលោកពីរសម័យធ្វើបានយ៉ាងល្អក្នុងវគ្គសន្សំពិន្ទុនៃការប្រកួតវិញ្ញាសានារីទោល Shooting ក្នុងព្រឹត្តិការណ៍ប្រកួតជើងឯកប៉េតង់ពិភពលោកនៅខេត្ត Kaihua ប្រទេសចិន។

អ្នកស្រី កែ ឡេង ឈ្នះមេដាយមាសកាលពីឆ្នាំ២០១៥

វគ្គសន្សំពិន្ទុនេះប្រកួតលើកទី១ អ្នកស្រីបានយកឈ្នះ កីឡាការិនីប្រទេស Madagascar ១៣-៦, ប្រកួតលើកទី២ចាញ់កីឡាការិនីប្រទេសបារាំង ៩-១១, ប្រកួតលើកទី៣ឈ្នះកីឡាការិនីប្រទេស Ecosse ១៣-២ និងប្រកួតលើកទី៤ចាញ់កីឡាការិនីប្រទេសអ៊ីតាលី ១២-១៣ដែលសរុបបាន៤៦ពិន្ទុឈរលើគេក្នុងចំណោមបេក្ខនារីទាំងអស់៤៣ប្រទេស។ ដូច្នេះមានន័យថា វីរនារីកម្ពុជារូបនេះបានឡើងវគ្គបន្តហើយ។

វិញ្ញាសានារីវាយទោល Shooting នេះអ្នកស្រី កែ ឡេង ធ្លាប់ឈ្នះមេដាយមាស២ដងគឺលើកទី១ឈ្នះនៅប្រទេសបារាំងកាលពីឆ្នាំ២០១៣ និងលើកទី២ឈ្នះនៅប្រទេសថៃឆ្នាំ២០១៥ដែលជាឆ្នាំការពារមេដាយមាសរបស់ខ្លួនទី១បានសម្រេច។ សម្រាប់ឆ្នាំ២០១៧នេះ អ្នកស្រីត្រូវការពារជាលើកទី២៕