គន្លឹះថតរូបបែបឯកសារពេលដំណើរកម្សាន្ត

2017-11-11 06:47:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ការថតរូបបែបឯកសារបង្ហាញពីសកម្មភាពការរស់នៅប្រចាំថ្ងៃ ទៅតាមទីតាំងនានា ជាពិសេសតាមជនបទ និងដងផ្លូវ ព្រោះបូករួមទាំងទេសភាពធំធេង និងសត្វធ្វើឲ្យទិដ្ឋភាពកាន់តែល្អប្រសើរ អ្នកអាចពិនិត្យមើលលក្ខណៈថតរូបបែបនេះដូចខាងក្រោម៖

១. យល់ដឹងពីបច្ចុប្បន្នភាព

អ្នកគួរបើកចិត្តឲ្យទូលាយក្នុងការទទួលយកនូវទិដ្ឋភាពផ្សេងៗជុំវិញខ្លួន ដោយមិនមានភាពរាំងស្ទះ។ ពេលធ្វើដំណើរកម្សាន្ត អ្នកគួរព្យាយាម និងមានគម្រោងក្នុងថ្ងៃដើរកម្សាន្ត ព្រមទាំងផ្ដោតលើការសិក្សា និងទទួលយកបទពិសោធន៍នានាពីទីតាំង ឬសកម្មភាពអ្នកបានឆ្លងកាត់។

២. សម្គាល់ទិដ្ឋភាពជុំវិញ

ការរស់នៅមានភាពប្រែប្រួលជាបន្តបន្ទាប់។ មនុស្សមានប្រតិកម្មទៅនឹងមនុស្ស ឬធម្មជាតិ ដូចជាព្រះអាទិត្យរះ លិច ឬខ្យល់ព្យុះ។ អ្នកមិនគួរចាំដល់មានទិដ្ឋភាពល្អឥតខ្ចោះក្នុងការផ្ដិតរូបភាពនោះទេ។ មួយវិញទៀត គួរសម្គាល់មើលទិដ្ឋភាពនឹងភ្នែកផ្ទាល់ ដើម្បីផ្សារភ្ជាប់អារម្មណ៍ទៅនឹងទិដ្ឋភាព ជៀសជាងមើលតាម Viewfinder លើកាមេរ៉ា។ លើសពីនេះ មិនគួរថតប្រញាប់ប្រញាល់ពេកនោះទេ។

៣. កំណត់ច្បាស់លាស់នូវការថតរូបសម្រាប់ដំណើរកម្សាន្ត

អ្នកគួរប្រាកដហេតុផលអ្នកធ្វើដំណើរកម្សាន្ត និងអ្វីអ្នកចង់បាននៃបទពិសោធន៍ដំណើរកម្សាន្តនីមួយៗ។ ប្រសិនបើអ្នកធ្វើដំណើរកម្សាន្តទៅទីផ្សារ ហើយចង់ឃើញទិដ្ឋភាពបែបបទរស់នៅក្នុងតំបន់ អ៊ីចឹងអ្នកអាចពិនិត្យមើលនូវទិដ្ឋភាពលក្ខណៈធម្មជាតិកើតឡើងនៅទីនោះ ជៀសជាងមើលផ្ដោតតែលើមនុស្ស។

៤. ដឹងពីជម្រើសឧបករណ៍ក្នុងការប្រើប្រាស់

សម្រាប់រូបភាពលក្ខណៈឯកសារ អ្នកគួរប្រើ Zoom lens ដូចជា Canon 16-35mm f/4 ឬ Canon 24-70mm f/2.8។ ជាទូទៅ អ្នកប្រហែលជាប្រើ Aperture ទាបជាង f/4 ឬ f/5.6។ ការថតទិដ្ឋភាពប្រហែលជាមាន Subject ច្រើនជាងមួយ ព្រមទាំងផ្ទៃខាងក្រោយ។

៥. មានទំនុកចិត្តនឹងជំនាញអ្នក

រូបភាពបែបឯកសារមានលក្ខណៈលឿនចំពោះទិដ្ឋភាពកើតឡើងនៅនឹងមុខអ្នក ដូច្នេះអ្នកប្រហែលជាមិនមានពេលឲ្យពួកគាត់មកសំដែងម្តងទៀតនោះទេ។ ប៉ុន្តែមិនមែនមានន័យថាអ្នកត្រូវថតប្រើចំនួន Frame ធំបំផុត ដែលកាមេរ៉ាអ្នកអាចធ្វើបាន បន្ទាប់មកជ្រើសរើសរូបភាពពេលក្រោយនោះទេ។ អ្នកអាចប្រើបច្ចេកទេសពិនិត្យមើលទិដ្ឋភាព វិភាគពន្លឺ ព្រមទាំងស្រមៃនូវលទ្ធផលនៃរូបភាពបន្ទាប់មកចាប់ផ្តើមថតតែម្តង៕

ប្រភព៖ Digital Photography School ប្រែសម្រួល ៖ ប៊ុន ធឿន