Morata ទម្លាយ ទម្លាប់២យ៉ាងដែលខ្លួនចូលចិត្តធ្វើក្រោយ Chelsea ឈ្នះម្ដងៗ

2017-11-13 02:16:12
ចំនួនមតិ 0 | ចំនួនចែករំលែក 0

ចន្លោះមិនឃើញ

Álvaro Morata គឺជាខ្សែប្រយុទ្ធដ៏លេចធ្លោមួយរូបរដូវកាលនេះចាប់តាំងពីផ្ទេរពីក្រុមយក្សអេស្ប៉ាញ Real Madrid ទៅកាន់ក្រុមជើងឯកអង់គ្លេស Chelsea។

តារាឆ្នើមវ័យ២៥ឆ្នាំស៊ុតបញ្ចូលទីបាន៧គ្រាប់ និងបញ្ជូនឲ្យមិត្តរួមក្រុមស៊ុតបាន៣លើកក្នុងការបង្ហាញខ្លួនចំនួន៧២២នាទីនៅលើវាលស្មៅ។ Morata ដែលមានផ្ទះមិនឆ្ងាយប៉ុន្មានពីកីឡដ្ឋាន Stamford Bridge បានបង្ហើបពីទម្លាប់ពីយ៉ាងដែលខ្លួនតែងធ្វើដើម្បីអបអរនៅពេលរកគ្រាប់បញ្ចូលទីបានម្ដងៗ។

និយាយទៅកាន់ Cadenaser អតីតកីឡាករ Juventus បានប្រាប់ថា៖ "នៅរាល់ប្រកួតក្នុងទឹកដី ពេលខ្ញុំស៊ុតបញ្ចូលទីបានម្ដងៗខ្ញុំតែងតែដើរត្រឡប់ទៅផ្ទះវិញ។ ទម្លាប់នេះធ្វើឲ្យគ្រប់គ្នាមានការភ្ញាក់ផ្អើល។ ខ្ញុំបានប្ដូរខោអាវ ពាក់មួក រួចផឹកស្របៀរតាមផ្លូវទៅផ្ទះបើសិនខ្ញុំស៊ុតចូលហើយពួកយើងឈ្នះ"។

Morata បានបន្ថែមថាមូលហេតុផ្សេងមួយទៀតដែលធ្វើឲ្យគេចង់ដើរ ព្រោះក្រោយចប់ប្រកួតម្ដងៗផ្លូវមួយចំនួនត្រូវបិទ ហើយមានការកកស្ទះខ្លាំងដោយសារអ្នកគាំទ្ររាប់ម៉ឺននាក់ត្រូវត្រឡប់ទៅផ្ទះរបស់ពួកគេដែរ៕