ល្បីថា សួស វីហ្សា និង ថម មី រស់នៅជាមួយគ្នាដូចប្ដីប្រពន្ធ?
- 2017-11-13 03:17:05
- ចំនួនមតិ 0 | ចំនួនចែករំលែក 0
ល្បីថា សួស វីហ្សា និង ថម មី រស់នៅជាមួយគ្នាដូចប្ដីប្រពន្ធ?
ចន្លោះមិនឃើញ
យោងតាមប្រភពមួយសុំមិនបញ្ចេញឈ្មោះបានឲ្យដឹងថាតារាចម្រៀងហង្សមាស សួស វីហ្សា និង លោក ថម មី កំពុងតែលួចបង្កាត់ភ្លើងស្នេហ៍ជាមួយគ្នា ហើយអ្នកទាំងពីរថែមទាំងរស់ក្នុងផ្ទះតែ១ដូចប្ដីប្រពន្ធ។
ប្រភពដដែលបានអះអាងថា ទំនាក់ទំនងស្នេហារវាង សួស វីហ្សា និង ថម មី កើតឡើងតាំងពី២ ឆ្នាំមុន មិនមែនទើបតែកើតឡើងថ្មីៗនេះទេ គ្រាន់តែថាអ្នកទាំងពីរមិនហ៊ានបង្ហាញភាពផ្អែមល្ហែមជា សាធារណៈឲ្យមហាជនបានដឹងតែប៉ុណ្ណោះ ព្រោះខ្លាចប៉ះពាល់ដល់ប្រជាប្រិយភាពរៀងៗខ្លួនក្នុងសិល្បៈ។
ជាក់ស្ដែងអំឡុងពេលដែល សួស វីហ្សា ប្រឡងចម្រៀងក្នុងកម្មវិធីលំដាប់ថ្នាក់ពិភពលោក I am a singer Cambodia នៅទូរទស្សន៍ហង្សមាសកន្លងទៅ ថម មី តែងតែបង្ហាញខ្លួននៅជាមួយនាងជានិច្ច ក្នុងនាមជាគូស្នេហ៍ចាំការពារ និងមើលខុសត្រូវ។ ក្រោយពីប្រឡងក្នុងកម្មវិធីខាងលើនេះរួច អ្នកទាំងពីរក៏ចាប់ផ្ដើមបើកចំហអំពីទំនាក់ទំនងស្នេហាបន្តិចម្ដងៗ រហូតដល់ថ្នាក់បែកធ្លាយព័ត៌មានរស់នៅក្រោមដំបូលផ្ទះតែមួយជាមួយគ្នាទៀតផង។ នេះបើតាមការអះអាងពីប្រភពខាងលើ។
ជុំវិញរឿងរ៉ាវស្នេហារវាង សួស វីហ្សា និង ថម មី រស់នៅជាមួយគ្នានេះដែរ សាមីខ្លួនទាំងពីរមិនអាចសុំការបកស្រាយបានទេ ដោយភាគីខាងស្រីទូរស័ព្ទហៅចូលតែមិនមានអ្នកទទួល។ ចំណែកឯភាគីខាងប្រុសមិនអាចភ្ជាប់ទំនាក់ទំនងបានឡើយ៕
ចុចអានព័ត៌មានទាក់ទងអ្នកសិល្បៈខាងក្រោមនេះ
រ៉ូលីន ប្រកាសថ្ងៃដកខ្លួនពីសង្គមសិល្បៈ