អ្នកដឹកនាំរឿងទាំង ១៣ ដែលសម្ដែងក្នុងរឿងខ្លួនឯង

2017-11-14 04:53:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងវិស័យភាពយន្តអ្វីៗគឺមានភាពទូលំទូលាយណាស់ នេះបណ្ដាលមកពីរធនធានមនុស្សជាច្រើននៅក្នុងវិស័យនេះសុទ្ធតែឆ្លាតៗពូកែ និងមានសមត្ថភាព។

ក្នុងភាពយន្តខ្លះៗ អ្នកដឹកនាំមិនត្រឹមតែដឹកនាំរឿងតែមួយមុខប៉ុណ្ណោះទេ ពួកគេក៏ធ្លាប់ចូលរួមសម្ដែងជាតួអង្គផ្សេងៗផងដែរ ពេលខ្លះដើរតួជាតួឯកទៀតផង៕

នេះជាបណ្ដាអ្នកដឹកនាំរឿងទាំង ១៣ ដែលដឹកនាំនិងសម្ដែងក្នុងរឿងតែមួយ៖

១. លោក Mel Brooks

រឿងកំប្លែងដ៏ល្អមួយដែលធ្លាប់ដាក់បញ្ចាំងគឺរឿង "Blazing Saddles” ដែលដឹកនាំនិងចូលរួមសម្ដែងដោយលោក Mel Brooks ថែមបញ្ចូលជាមួយតារាល្បីៗដូចជា Cleavon Little និង Gene Wilder។ ភាពយន្តនេះផលិតឡើងក្នុងគោលបំណងមាក់ងាយហូលីវូដក្នុងសម័យកាលនោះ ដែលពេញនិយមតែលោកខាងលិច ដោយឲ្យតួអង្គស្បែកខ្មៅដើរតួជាតួឯកវិញម្ដង។

២. លោក Quentin Tarantino

Tarantino គឺជាអ្នកដឹកនាំរឿងម្នាក់ដែលគេទទួលស្គាល់ថាពូកែ ច្របាច់បញ្ចូលចូលគ្នានូវប្រភេទរឿងផ្សេងៗឲ្យមកនៅក្នុងរឿងតែមួយ។ ក្នុងរឿងដែលលោកនិពន្ធនិងដឹកនាំដោយខ្លួនឯងដូចជា "My Best Friend's Birthday” ក្នុងទសវត្សទី ៨០ និង "Pulp Fiction” ក្នុងទសវត្សទី ៩០ លោកក៏ចូលរួមសម្ដែងក្នុងរឿងទាំងនោះផងដែរ។

៣. លោក Woody Allen

Allen គឺជាអ្នកនិពន្ធ, ផលិតករ, អ្នកដឹកនាំរឿង, អ្នកកំប្លែង និងជាតារាសម្ដែងផងដែរ ដែលធ្វើឲ្យមនុស្សជាច្រើនមិនពេញចិត្តនឹងទង្វើរបស់លោកក្នុងជីវិតគូរ។ គិតត្រឹមពេលនេះលោកធ្លាប់ចូលរួមសម្ដែងភាពយន្តខ្ទង់ ៥០ដងឯណោះ។ អ្វីដែលគេមិនពេញចិត្តចំពោះលោកបំផុតនោះគឺ លោកបានរៀបការជាមួយកូនចិញ្ចឹមខ្លួនអាយុ ១៩ឆ្នាំខណៈលោកមានអាយុ ៥២ឆ្នាំ។

៤. លោក Clint Eastwood

លោកគឺជាតារាហូលីវូដជើងចាស់ដ៏ល្បីឈ្មោះមួយរូប ដែលបានដឹកនាំរឿងជាច្រើន។ ភាគច្រើននូវរឿងដែលលោកបានដឹកនាំនោះ លោកបានសម្ដែងជាតួឯកដោយខ្លួនឯងតែម្ដង។ លោកចាប់ផ្ដើមប្រឡូកក្នុងវិស័យភាពយន្តដោយសារតែមានអ្នកឃើញសមត្ថភាពលោក ក្នុងការសម្ដែងល្ខោននៅថ្នាក់រៀនវិទ្យាល័យ។

៥. លោក Tyler Perry

លោក Perry គឺជាតារាសម្ដែងដ៏មានទេពកោសល្យម្នាក់, អ្នកដឹកនាំរឿង, អ្នកនិពន្ធរឿងល្ខោន, អ្នកនិពន្ធចម្រៀងនិងប៉ារ៉ូលរឿង។ លោកធ្លាប់ជាតារាម្នាក់ដែលត្រូវទស្សនាវដ្ដី Forbes ប្រកាសថាជាមនុស្សប្រុសដែលរកចំណូលបានច្រើនជាងគេជាង ១៣០លានដុល្លារចន្លោះឆ្នាំ ២០១០ និង ២០១១។

៦. លោក Peter Jackson

មិនត្រឹមជាអ្នកដឹកនាំនិងជាផលិតករកំពូលខ្សែភាពយន្ដល្បីឈ្មោះ "Lord of the Ring” និង "The Hobbit” ប៉ុណ្ណោះទេ លោកក៏ចូលរួមសម្ដែងជាតួអង្គតូចតាចផងដែរ។

៧. លោក Ben Affleck

Ben Affleck គឺជាកំពូលតារាសម្ដែងក៏ល្បីម្នាក់ ក៏ប៉ុន្ដែលោកក៏មានសមត្ថភាពក្នុងការដឹកនាំរឿងផងដែរ។ លោកបានដឹកនាំរឿងនិងសម្ដែងក្នុងរឿងទាំងនោះផងដែរដូចជារឿង "The Town” និង "Argo”។

៨. លោក Terry Jones

លោក Terry Jones ជាអ្នកដឹកនាំរឿង "Monty Python and the Holy Grail”។ តាមពិតលោកគឺគ្រាន់តែជាអ្នកប្រវត្តិសាស្រ្តមួយរូបតែប៉ុណ្ណោះ ក្រោយមកលោកក៏ក្លាយជាតារាសម្ដែង ជាអ្នកកំប្លែង ក៏ដូចជាអ្នកដឹកនាំរឿងផងដែរ។

៩. លោក Kevin Smith

Kevin Smith គឺជាអ្នកដឹកនាំរឿងដ៏ល្បីឈ្មោះម្នាក់ ប៉ុន្តែលោកក៏មានកេរ្តិ៍ឈ្មោះបោះសំឡេងក្នុងវិស័យសម្ដែងផងដែរ។ លោកចាប់ផ្ដើមល្បីឈ្មោះក្រោយសម្ដែងនិងដឹកនាំរឿង "Clerks”។

១០. លោក Roman Polanski

មិនខុសពី Woody Allen ប៉ុន្មានទេ លោក Roman Polanski គឺជាអ្នកដឹកនាំរឿង និងតារាសម្ដែងមួយរូបដែលមានរឿងអាស្រូវជាច្រើនទាក់ទង នឹងការរំលោភក្មេងមិនទាន់គ្រប់អាយុ ព្រមទាំងក្លាយជាបុរសពោះម៉ាយក្រោយប្រពន្ធលោកឈ្មោះ Sharon Tate ត្រូវគេធ្វើអត្តឃាតក្នុងផ្ទះរបស់លោក។

១១. លោក Sylverster Stallone

បន្ទាប់ពីនិពន្ធនិងសម្ដែងក្នុងរឿង "Rocky” លោក Sylvester Stallone ក៏ចាប់ផ្ដើមនិពន្ធនិងសម្ដែងក្នុងរឿងនេះវគ្គថ្មីៗ គឺវគ្គទី៤និងទី៥ ជាពិសេសគឺសម្ដែងក្នុងរឿង "The Expendebles” ដែលលោកជាអ្នកដឹកនាំរឿង។

១២. លោក Danny Devito

លោក Danny Devito ល្បីឈ្មោះបន្ទាប់ពីសម្ដែងក្នុងរឿងភាគ "Always Sunny in Philadelphia”។ ក្នុងរឿងដំបូងៗរបស់លោក តារារូបនេះធ្លាប់ជាតារាសម្ដែងនិងជាអ្នកដឹកនាំក្នុងរឿងដូចជា "Throw Momma from the Train” និង "Matilda”។

១៣. លោក Taika Waititi

លោក Taika Waititi គឺជាអ្នកដឹកនាំរឿងដ៏ល្បីមួយរូបដែលថ្មីៗនេះលោកបានដឹកនាំរឿង "Thor: Ragnarok” ដែលរកចំណូលបានច្រើនមិនធម្មតា។ មិនត្រឹមតែប៉ុណ្ណោះលោកក៏បានសម្ដែងជាតួអង្គមួយផងដែរគឺ "Korg” ជាតួអង្គ Alien មានខ្លួនជាថ្ម៕

អានអត្ថបទ៖

អត្ថបទ៖ ធារ៉ូ