ផ្អើលអ្នកដំណើររត់ប្រសាចពេញអាកាសយានដ្ឋាន ក្រោយស៊ើបច្បាស់ ទើបដឹងការពិត
- 2017-11-14 04:30:49
- ចំនួនមតិ 0 | ចំនួនចែករំលែក 0
ផ្អើលអ្នកដំណើររត់ប្រសាចពេញអាកាសយានដ្ឋាន ក្រោយស៊ើបច្បាស់ ទើបដឹងការពិត
ចន្លោះមិនឃើញ
អាកាសយានដ្ឋានអន្តរជាតិ Orlando ស្ថិតក្នុងរដ្ឋ Florida សហរដ្ឋអាមេរិកមានការឆោឡោ នៅពេលអ្នកដំណើរឭសំឡេងផ្ទុះដូចសូរបាញ់កាំភ្លើងខ្លី។ ក្រោយមកទើបដឹងបញ្ហាបង្ក មកពីការផ្ទុះថ្មប្រភេទ Lithium ion លើកាមេរ៉ាមួយគ្រឿងតែប៉ុណ្ណោះ។
កើតហេតុភ្លាមៗសារព័ត៌មាន ABC បានចុះផ្សាយទប់ស្កាត់កុំឲ្យមានការភ័ន្តច្រឡំថា ពុំមែនជាការបាញ់ប្រហារណានោះទេ ជៀសវាងការចលាចលកាន់តែធំឡើង។ បន្ទាប់ពីស៊ើបអង្កេតបន្ថែម ប៉ូលិសនៅប្រលានយន្តហោះបានរកឃើញ ថ្មកាមេរ៉ាមួយគ្រាប់បានផ្ទុះក្នុងកាបូបមួយ បន្ទាប់ពីឡើងកម្ដៅខ្លាំង ហើយក្នុងកាបូបហុយផ្សែងខ្មៅងងឹត។
អ្នកដំណើរជាច្រើន ដែលជួបហេតុការណ៍ ត្រូវបានជម្លៀសចេញពីតំបន់កើតហេតុតាមច្រកសន្តិសុខ រហូតបង្កឲ្យមានការកកស្ទះរយៈពេលដ៏យូរ។ នេះជាសារមួយ ដែលធ្វើឲ្យអ្នកចូលចិត្តថតរូបឬប្រើកាមេរ៉ា DSLR និងពពួកឧបករណ៍អេឡិចត្រូនិកខ្នាតធំផ្សេងទៀត ត្រូវទទួលការពិនិត្យយ៉ាងដិតដល់នៅតាមបណ្តាអាកាសយានដ្ឋាន ជាពិសេសក្នុងទឹកដីសហរដ្ឋអាមេរិក។
អានអត្ថបទបន្ទាប់