តារាម៉ូដែលរាងខ្ពស់ស្រឡះ កែ ចាន់កេសី ត្អូញត្អែរពីការងារក្នុងវិស័យដើរម៉ូដ
- 2017-11-14 10:55:15
- ចំនួនមតិ 0 | ចំនួនចែករំលែក 0
តារាម៉ូដែលរាងខ្ពស់ស្រឡះ កែ ចាន់កេសី ត្អូញត្អែរពីការងារក្នុងវិស័យដើរម៉ូដ
ចន្លោះមិនឃើញ
ក្រៅពីអាជីពសិល្បៈ តារាបង្ហាញម៉ូដរាងខ្ពស់ស្រឡះ កញ្ញា កែ ចាន់កេសី ក៏មានមុខរបរផ្ទាល់ខ្លួនគឺបើកក្លឹបបង្រៀនដើរម៉ូដមួយកន្លែងស្របពេលទីផ្សារអាជីពជាអ្នកបង្ហាញម៉ូដ និងជាតារាសម្តែងមិនសូវអំណោយផលដល់នាងផងនោះ។
ក្នុងថ្ងៃចូលរួមកម្មវិធីសម្ពោធរឿងសសរកន្លោង កែ ចាន់កេសី បានត្អូញត្អែរថា សព្វថ្ងៃទីផ្សារការងារនៅកម្ពុជាជាពិសេសអាជីពការដើរម៉ូដពុំសូវអំណោយផលដល់តារាបង្ហាញម៉ូដនៅកម្ពុជានៅឡើយទេ ខណៈវិស័យមួយនេះនៅមានកម្រិត និងមិនសូវមានការចាប់អារម្មណ៍ខ្លាំងនៅក្នុងស្រុកយើង។
មួយវិញទៀតកញ្ញាក៏បានសង្កត់យ៉ាងធ្ងន់ទៀតថាវិស័យសិល្បៈក៏ដូចជាការបង្ហាញម៉ូដនេះយ៉ាងហោចណាស់១ខែដើរឲ្យបាន៥ដង ប៉ុន្តែពេលខ្លះរកមិនបានសូម្បីតែម្តងព្រោះទីផ្សារនៅកម្ពុជាមានតិចតួចពេក ហើយវាទាក់ទងនឹងការច្នៃម៉ូតដែរ ព្រោះការច្នៃម៉ូដរបស់កូនខ្មែរយើងមួយចំនួននាពេលបច្ចុប្បន្នកំពុងមានការរីកចម្រើនសន្សឹមៗប៉ុណ្ណោះ។
បើទោះជាយ៉ាងនេះក្តីកញ្ញាក៏មិនធ្វើការបោះបង់ក្តីស្រមៃរបស់ខ្លួនដែរ កញ្ញាសង្ឃឹមថាវិស័យសិល្បៈផ្នែកដើរម៉ូដនេះនៅប្រទេសកម្ពុជានាពេលខាងមុខនឹងមានការរីកចម្រើន និងមានទីផ្សារសម្រាប់កញ្ញា និងសិល្បករ សិល្បការិនីដែលមានជំនាញខាងផ្នែកដើរម៉ូដនេះ។
បើទោះអាជីពដើមរបស់កញ្ញាជាអ្នកដើរម៉ូដក្តី តែកញ្ញាពិតជាមានការគាំទ្រ និងស្រលាញ់ចូលចិត្តគ្រប់ទម្រង់នៃសិល្បៈខ្មែរ ប៉ុន្តែម៉ូដែលរូបនេះថា «ទីផ្សារសម្តែងខ្ញុំមិនសូវមានភាពលេចធ្លោទេ ព្រោះខ្ញុំមានកម្ពស់ខ្ពស់ពេក បើសម្តែងពិតជាពិបាករកតួឯកប្រុសមកតម្រូវតាមកម្ពស់ខ្ញុំណាស់ ហើយខ្ញុំបានចូលរួមសម្តែងក្នុងឈុតខ្លីៗប៉ុណ្ណោះ»។
កញ្ញា កែ ចាន់កេសី បានចូលប្រលូកក្នុងវិស័យសិល្បៈដំបូងតាំងពីឆ្នាំ២០០៩ ដោយបានចូលរួមប្រឡងកម្មវិធី Khmer Super Model ។