តារាប្រុសម្នាក់ត្រៀមទៅដណ្ដើមពាននៅ សិង្ហបុរី

2014-11-11 19:01:57
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក អ៊ុំ សយពិនណារ៉ុង តារាសម្ដែង និង ម៉ូដែលក្នុងក្រុម Hamsa Cambodia គ្រោងចេញទៅប្រកួតក្នុងកម្មវិធីមួយ ដែលមានឈ្មោះថា Star Hunk International Contest 2014 នៅប្រទេស សិង្ហបុរី នាថ្ងៃ ទី១៣ ខែ វិច្ឆិកា ឆ្នាំ ខាងមុននេះ ។

ការប្រកួតចាប់ផ្ដើមពីថ្ងៃទី ១៣ រហូតដល់ថ្ងៃទី ២៣ ខែ វិច្ឆិកា ឆ្នាំ ២០១៤ មានប្រទេសជុំវិញពិភពលោកចំនួន ១៧ ចូលរួម ក្នុងចំណោមបេក្ខជនទាំងអស់មានចំនួន ៣៣ នាក់ លក្ខខ័ណ្ឌប្រទេស ១ អាចបញ្ជូនតារារបស់ខ្លួនមិនឲ្យលើសពី ៣ នាក់ ទៅចូលរួមឡើយ។ នេះបើតាមការឲ្យដឹងពី លោក មាស ណារ៉ូ អ្នកគ្រប់គ្រង Hamsa Entertainment Cambodia និិងជាប្រធានក្រុមម៉ូដែល Hamsa Super Model។

ប្រធានក្រុមម៉ូដែលម្នាក់នេះបានឲ្យដឹងទៀតថា នេះជាលើកទៅ១ហើយ ដែលប្រទេសកម្ពុជាបានទៅចូលរួមប្រកួត Star Hunk International Contest បន្ទាប់ពីកម្មវិធីនេះ បានធ្វើឡើងតាំងពីឆ្នាំ ២០០៦ មក។ លោកថា ដំបូងឡើយ ក្រុមម៉ូដែលHamsa Super Modelរបស់លោក បានរៀបចំតារាម៉ូដែលចំនួន ២ នាក់ ទៅចូលរួមប្រកួតនេះ ក្នុងនោះមាន លោក អ៊ុំ សយពិនណារ៉ុង និង លោក ជុំ ស៊ីថា ប៉ុន្តែដោយ លោក ជុំ ស៊ីថា ជាប់ធុរៈការងារផ្ទាល់ខ្លួនមិនអាចខានបាន ទើបសម្រេចយកតែម្នាក់តែម្ដងទៅ។

លោក មាស ណារ៉ូ បានឲ្យដឹងបន្ថែមទៀតថា កម្មវិធីនេះមិនខុសពីការប្រកួតផ្សេងទៀតដែល តារាម៉ូដែលកម្ពុជាមួយចំនួនទៅចូលរួមប្រកួតនៅក្រៅប្រទេសកន្លងមកនោះទេ ក្រៅពីការបង្ហាញរបាំនិង សំលៀកបំណាក់ប្រពៃណីជាតិនីមួយៗ ការស្លៀកឈុតសិចស៊ី ដូចជាឈុតហែលទឹកជាដើមតែងតែមានជានិច្ច។ មានសំលៀកបំពាក់ចំនួន ៤ ឈុតសម្រាប់ ឲ្យម៉ូដែលស្លៀកក្នុងការប្រកួតនេះ ក្នុងនោះ ក៏មានសំលៀកបំពាក់ក្នុងសម័យអង្គរផងដែរ។