Neymar ឆ្លើយឡើងអេម ពេលក្មេងអង់គ្លេសម្នាក់សួរ ម៉េចបានទៅ PSG?

2017-11-16 02:46:05
ចំនួនមតិ 0 | ចំនួនចែករំលែក 0

ចន្លោះមិនឃើញ

Neymar បានប្រាប់ចម្លើយទៅក្មេងប្រុសម្នាក់ ពីមូលហេតុដែលគេផ្លាស់ពី Barcelona ទៅ កាន់ PSG កាលពីរដូវក្ដៅកន្លងទៅថា គឺដើម្បីធ្វើឲ្យលីគបារាំងល្អបំផុត។

កីឡាករប្រេស៊ីលបានធ្វើឲ្យពិភពបាល់ទាត់ក្នុងពិភពលោកភ្ញាក់ផ្អើលជាខ្លាំង បន្ទាប់ពីសម្រេចចិត្តទៅលេងនៅក្លឹបយក្សរបស់ Ligue 1 ក្នុងតម្លៃបំបែកកំណត់ត្រា១៩៨លានផោន។ ហេតុផលពីក្រោយនៃការចាកចេញនេះ បានធ្វើឲ្យគ្រប់គ្នាមានមន្ទិលជាខ្លាំង ខណៈសារព័ត៌មានបរទេសខ្លះចុះផ្សាយថា Neymar មិនសប្បាយចិត្តនឹង Barca។

តែអំឡុងពេលអង់គ្លេស លេងទល់នឹងប្រេស៊ីលកាលពីថ្ងៃអង្គារ Neymar បានឆ្លងឆ្លើយសន្ទនាជាមួយក្មេងៗអង់គ្លេស៣ ៤នាក់ក្នុងច្រកកីឡាករដើរចូលទីលាន។ ក្មេងម្នាក់បានសូរកីឡាករវ័យ២៥ឆ្នាំថា ហេតុអ្វីបានជា គេចេញពី Barcelona ទៅ Paris កាលពីខែ កក្កដា? Neymar តបថា ដើម្បីធ្វើឲ្យលីគបារាំងល្អបំផុត។ ទល់នឹងពេលនេះកីឡាករពូកែញាក់រូបនេះរកបាន១១គ្រាប់ ក្នុងចំណោម១២ប្រកួត ចាប់តាំងពីរផ្លាស់ទីបារាំង៕