រឿងរាវ រសើបរបស់ក្រុមជម្រើសជាតិកម្ពុជាក្រោយចាញ់ហ្សកដានី ១-០

2017-11-16 03:19:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមជម្រើសជាតិកម្ពុជា បានបរាជ័យក្រោមថ្វីជើងក្រុមខ្លាំង ហ្សកដានី ១-០ សម្រាប់ការប្រកួតសន្សំពិន្ទុក្នុងពូល C លើកទី៥ នៅពហុកីឡដ្ឋានជាតិកាលពីពេលថ្មីនេះ ក្នុងការប្រកួតព្រឹត្តិការណ៍ AFC Asian Cup 2019។

ក្រោយបរាជ័យនេះមានមតិជាច្រើនបានពិភាក្សាគ្នានៅលើបណ្ដាញសង្គម Facebook ថែមទាំងមានអ្នកខ្លះធ្វើការប្រៀបធៀបរវាងទម្រង់លេងរបស់កម្ពុជាក្រោមការដឹកនាំរបស់លោក Leonardo Vitorino និងលោក ប្រាក់ សុវណ្ណារ៉ា ។ បន្ទាប់ពីមានការជជែកគ្នាច្រើនថ្ងៃនេះ Sabay សូមលើកយកចំណុចរសើបមួយចំនួនមកជម្រាបជូនប្រិយមិត្ត។

លោក ប្រាក់ សុវណ្ណារ៉ា

**១-សម្ដីរបស់គ្រូបង្វឹក៖** - លោក ប្រាក់ សុវណ្ណារ៉ា ក្រោយការប្រកួត ៖ លោកបាននិយាយថា មានការពេញចិត្តចំពោះលទ្ធផលការបរាជ័យរបស់កម្ពុជា ១-០ ក្រោមថ្វីជើង ហ្សកដានី ។ លោកក៏មានមោទនភាពដែលអាចចាញ់ក្រុមខ្លាំងត្រឹម ១-០។

លោក Leonardo Vitorino អតីតគ្រូបង្វឹកក្រុមកម្ពុជាក៏បានសរសេរបង្ហោះលើ Page Facebook ផ្លូវការរបស់លោកថា វាជារឿងដ៏ឆ្កួតបំផុតដែលពួកគេអបអរជាការចាញ់តិចគ្រាប់។ ខ្ញុំចូលចិត្តការអបអរដែលឈ្នះការប្រកួតជាង។ ខ្ញុំគាំទ្រក្រុមជម្រើសជាតិរបស់ខ្ញុំក្នុងការឈ្នះការប្រកួត និងអភិវឌ្ឍន៍កីឡាករក្មេងៗ ។

លោក Leonardo Vitorino

២-ទម្រង់លេងគ្រូបង្វឹកទាំងពីរ៖ ទម្រង់លេងរបស់លោក ប្រាក់ សុវណ្ណារ៉ា ជុំវិញការចាញ់ហ្សកដានី ១-០ គឺ ផ្ដោតសំខាន់ទៅលើប្រព័ន្ធការពារ បើទោះមានបាល់អាចវាយបកក៏កូនក្រុមរបស់លោកទាត់បាល់ឡើងមកលើ ដើម្បីយករួចខ្លួនសិនដែរ។ ទម្រង់លេងនេះបើទោះត្រូវបាន ហ្សកដានី នាំមុខ ១-០ ក៏ក្រុមកម្ពុជាគិតតែការពារបន្តទៀត ដោយបិទដៃគូមិនឲ្យបន្ថែមគ្រាប់បាល់រហូតដល់ចប់ការប្រកួត។

ទម្រង់លេងរបស់លោក Leonardo គឺចូលចិត្តលេងពីក្រោមឡើងមកលើ ព្យាយាមវាយសម្រុក ពិសេសគឺកីឡាករហ៊ានលេង។ ក្រោមការដឹកនាំរបស់លោក Leonardo គឺកូនក្រុមរបស់លោកតែងព្យាយាមវាយបកនៅពេលដៃគូធ្វើការនាំមុខ ឬបង្កើតការវាយបកនៅពេលមានបាល់លេង។ យ៉ាងណាមិញ ការលេងដូច្នេះ គឺធ្វើឱ្យកម្ពុជាចាញ់ការប្រកួតច្រើនគ្រាប់ បើប៉ះក្រុមខ្លាំង តួយ៉ាងដូចចាញ់ហ្សកដានី ៧-០ កាលពីជើងទី១កន្លងទៅ។

ក្នុងការប្រកួតសន្សំពិន្ទុ AFC Asian Cup នេះក្រុមកម្ពុជានៅសល់មួយប្រកួតចុងក្រោយដែលត្រូវតទល់ជាមួយ អាហ្វហ្គានីស្ថាន នាថ្ងៃទី២៧ ខែមីនា ឆ្នាំ២០១៨ នៅទឹកដីរបស់ អាហ្វហ្គានីស្ថាន៕

អត្ថបទ៖ ស្រី សុវណ្ណដារ៉ា

ពាក្យទាក់ទង

ក្រុមកីឡាបាល់ទាត់ជម្រើសជាតិកម្ពុជា Soccer

អត្ថបទពេញនិយម

ឧកញ៉ា គិត ស៊ូឡា ឡើងជានាយកគ្រប់គ្រងផ្នែកប្រតិបត្តិការ ក្រុមហ៊ុន រ៉ូយ៉ាល់គ្រុប អន្តរជាតិ

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

ត្រៀមកន្លែងថតរូបថ្មី! អាជ្ញាធរខេត្តកំពត ចាប់ផ្តើមសាងសង់ប្រាសាទលោកយាយម៉ៅលើកំពូលភ្នំទ្វារ ឡានម៉ូតូក៏អាចបើកឡើងដល់ដែរ

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

ផ្លូវជាតិលេខ៤៨ ស្រែអំបិល-កោះកុង សម្រេចសាងសង់បានពាក់កណ្តាលហើយ និងគ្រោងបញ្ចប់ចាក់កៅស៊ូឆ្នាំក្រោយ

ងាយៗ! ពិនិត្យមើលសំបកកង់៣ចំណុចធំៗនេះដោយខ្លួនឯងបាន ចៀសវាងបែកកង់តាមផ្លូវ

អត្ថបទថ្មី

Neuer បង្កើតកំណត់ត្រាថ្មីក្នុង Champions League

វគ្គ Semi Final របស់ Europa League ឆ្នាំនេះ សុទ្ធតែគីឡូធ្ងន់

ចាប់ផ្តើមដំណើរឆ្ពោះទៅរកភាពភ្លឺថ្លា POND'S Bright Miracle បង្ហាញពីភាពច្នៃប្រឌិតក្នុងការថែរក្សាស្បែក

តើក្រុមបាល់ទាត់ជម្រើសជាតិប្រទេសណាជាប់លេខ១ នៅទ្វីបអាស៊ី?

ត្រៀមខ្លួនហើយឬនៅ សម្រាប់ដំណើរទៅលេងបុណ្យភ្នំ-ឧទ្យានជាតិគិរីរម្យ នាដើមខែឧសភា ឆ្នាំ២០២៤ នេះ?

៣ ចំនុចដែលអ្នកគួរដឹង បើចង់ក្លាយជាម្ចាស់មកុដ MUC 2024