Kim Kardashian គាំងស្ញេញ មិនហ៊ានឆ្លើយពេលគេសួរដល់សំណួរមួយនេះ

2017-11-17 04:09:57
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃពុធសប្ដាហ៍នេះតារាកម្មវិធីទូរទស្សន៍ល្បីឈ្មោះ Kim Kardashian បានបង្ហាញខ្លួនក្នុងកម្មវិធី "The Late Late Show with James Corden” ដែលតម្រូវឲ្យនាងចូលរួមលេងល្បែងមួយ។

Kim Kardashian

ល្បែងនោះមានឈ្មោះថា "Spill Your Guts” តម្រូវឲ្យអ្នកទាំងពីរសួរសំនួរត្រង់ៗពីគ្នាទៅវិញទៅមក និយាយរួមគឺបាញ់ឆៅៗ បើសិនជាអ្នកណាមិនព្រមឆ្លើយទេ គេនឹងត្រូវញ៉ាំអាហារគួរឲ្យខ្ពើមរអើម។

ខណៈពេលពួកគេកំពុងតែលេងល្បែងនោះ James បានសួរសំនួរជាច្រើនទៅកាន់ Kim ដូចជាសាកសួរថាតើសមាជិកគ្រួសារនាងអ្នកណាស្លៀកពាក់បានស្អាតជាងគេ និងអ្នកណាស្លៀកពាក់អាក្រក់ជាងគេ។ Kim បានឆ្លើយថានាងពេញចិត្តការស្លៀកពាក់របស់ Kendall ជាងគេហើយសារភាពថា Khloe ស្លៀកពាក់យ៉ាប់មើលជាងគេ។

ប៉ុន្តែសំនួរដ៏សំខាន់បំផុតមួយគឺ James បានសួរ Kim ថាតើបងប្អូនស្រីទាំងពីររូបរបស់នាង Kylie Jenner និង Khloe ថាតើពួកគេមានផ្ទៃពោះឫអត់? Kim មិនបានឆ្លើយនឹងសំនួរនោះទេ ហើយក៏សុខចិត្តញ៉ាំអាហារដ៏គួរឲ្យខ្ពើមមួយមុខឈ្មោះថា "Sardine Smoothie” មើលទៅពិតជាគួរឲ្យសំណើច៕

អីចឹង! មកមើលទាំងអស់គ្នា!