អ្នកលេងហ្គេមកុំព្យូទ័រ អាចបន្ថយការកើតជំងឺវង្វេង ពេលចាស់ទៅ

2017-11-17 23:17:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ការសិក្សាថ្មីមួយរបស់វិទ្យាស្ថានសុខភាពជាតិ សហរដ្ឋអាមេរិកលើមនុស្សប្រមាណ ២ ៨០០ នាក់ បានបង្ហាញថាពួកគេមានអត្រាធ្លាក់ចុះនូវការប្រឈមជំងឺវង្វេងពេលចាស់ប្រមាណ ២៩% ក្រោយធ្វើតេស្តសាកល្បងនូវលំហាត់ហ្វឹកហ្វឺនមួយចំនួនតាមប្រព័ន្ធកុំព្យូទ័រ។

រូបតំណាង

លំហាត់ហ្វឹកហ្វឺនខាងលើ គឺឲ្យអ្នកដែលមកសាកល្បងត្រូវនៅពីមុខអេក្រង់មួយ ហើយចុចទៅលើវត្ថុដែលលេចចេញមក ពោលប្រៀបបាននឹងការបើករថយន្តធន់ធំ ហើយរកមើលឧបាសកកើតមាននៅចំពោះមុខដូច្នេះដែរ ហើយចុចត្រូវកាន់តែច្រើន ឧបាសកកើតកាន់តែច្រើន។

ការសាកល្បងខាងលើនេះ ក៏រកឃើញយ៉ាងច្បាស់ថា ជួយខួរក្បាលមនុស្សឲ្យមានការគិត វិភាគ ចងចាំ និងសម្រេចចិត្តរហ័សជាងពេលធម្មតា។

ដោយឡែក លទ្ធផលនៃការសិក្សារបស់វិទ្យាស្ថានសុខភាពជាតិ សហរដ្ឋអាមេរិក ខាងលើនេះមិនបានទទួលស្គាល់ពីសាស្ត្រាចារ្យ Rob Howard អ្នកជំនាញផ្នែកចិត្តសាស្ត្រវ័យចំណាស់នៅសកលវិទ្យាល័យ University College London ចក្រភពអង់គ្លេសនោះទេ។

លោកសាស្ត្រាចារ្យ Rob Howard និយាយថា "វាពិតជាពិបាកទុកចិត្ត និងជឿជាក់លើលទ្ធផលដែលសិក្សាពីការវិវត្តន៍របស់មនុស្សដែលប្រើពេលត្រឹមប៉ុន្មានម៉ោងនោះ” ។ ប៉ុន្តែគាត់ក៏បញ្ជាក់ថា "ការសិក្សានេះគឺពិតជាពិសេស ហើយវាជាគន្លឹះបើកផ្លូវនៃការស្រាវជ្រាវខួរក្បាលមនុស្សដ៏សំខាន់” ៕

ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...

ចុចអានបន្ត៖

ប្រភព៖ Channelnewsasia ប្រែសម្រួល៖ រដ្ឋ