បរទេសចោមរោម សុំថតរូបជាមួយកញ្ញាឯក អែម គន់ថង ក្នុងឈុតតំណាងជាតិ «នាងឧសភី»
- 2017-11-18 05:39:39
- ចំនួនមតិ 0 | ចំនួនចែករំលែក 0
បរទេសចោមរោម សុំថតរូបជាមួយកញ្ញាឯក អែម គន់ថង ក្នុងឈុតតំណាងជាតិ «នាងឧសភី»
ចន្លោះមិនឃើញ
អែម គន់ថង កញ្ញាឯកកម្ពុជា និងជាបេក្ខភាពបរកញ្ញាផែនដី បានអញ្ជើញចូលរួម និងសម្តែងឈុតសម្លៀកបំពាក់ តំណាងជាតិ «នាងឧសភី» នៅក្នុងកម្មវិធី លៀងភោជនីហារពេលល្ងាច ជប់លៀងបើកកម្មវិធីពិព័រណ៍ទេសចរណ៍អន្តរជាតិកម្ពុជា ២០១៧ លើកទី១ Cambodia Travel Mart (CTM) ដែលរៀបចំដោយក្រសួងទេសចរណ៍ និងក្រុមហ៊ុនទេសចរណ៍ Charming Cambodia Tour ក្នុងបរិវេណប្រាសាទបាយ័ន ខេត្តសៀមរាប។
ក្នុងពិធីជួបជុំគណៈប្រតិភូអន្តរជាតិ និងជាតិ បណ្តាអ្នកវិនិយោគ និងម្ចាស់ក្រុមហ៊ុន និងភាពហ៊ុន ក្នុងវិស័យទេសចរណ៍ទាំង ៣១ប្រទេស និង២២០ក្រុមហ៊ុន ក្រោមអធិបតិយភាព ឯកឧត្តម ឧបនាយករដ្ឋមន្រ្តី យីម ឆៃលី ឯកឧត្តម ថោង ខុន រដ្ឋមន្រ្តីក្រសួងទេសចរណ៍ ឯកត្តម សាយ សំអាល់ រដ្ឋមន្រ្តីក្រសួងបរិស្ថាន គណៈគ្រប់គ្រងខេត្តសៀមរាប និងមន្រ្តីរាជការ អគ្គស្ថានទូត និងស្ថានកុងស៊ុលប្រចាំនៅខេត្តសៀមរាប ដើម្បីជប់លៀង អបអរព្រឹត្តិការណ៍ជាតិនេះ។
ឯកឧត្តម ឧបនាយករដ្ឋមន្រ្តី យីម ឆៃលី ក៏បានមានប្រសាសន៍បើកកម្មវិធីថា ៖ «នេះជាព្រឹត្តិការណ៍ដ៏មានន័យ និងមានសារៈសំខាន់ ដើម្បីជួយឲ្យកំណើនភ្ញៀវទេសចរណ៍អន្តរជាតិ កើនឡើង ថែមទាំងជាឱកាសផ្សព្វផ្សាយពីសិល្បៈ ទំនៀមទម្លាប់ ប្រពៃណីជាតិខ្មែរ ពិសេសបង្ហាញភ្ញៀវបរទេសពីភាពរីកចម្រើនរបស់កម្ពុជា។»
ជាក់ស្តែងក្នុងកម្មវិធី លៀងភោជនីហារ ក្រុមសិល្បៈនៃក្រសួងវប្បធម៌ប្រចាំខេត្តសៀមរាបក៏ចូលរួមសម្តែងសិល្បៈរបាំជាតិ ចម្រៀងជាតិ និងសិល្បៈទំនើបដូចជាការដើរបង្ហាញម៉ូដសម្លៀកបំពាក់ និងទស្សនីយភាពជាច្រើននិយាយពីសិល្បៈដ៏ល្អផូរផង់របស់កម្ពុជា។
ភ្ញៀវកិត្តយសចូលរួមក្នុងកម្មវិធីក៏បានមើលឃើញពីការសម្តែង ពិសេសភាពស្រស់ស្អាត និងសម្រស់ដ៏គួរឲ្យទាក់ទាញ ពី កញ្ញា អែម គន់ថង អតីតជយលាភីលេខ២ កញ្ញាឯកកម្ពុជា ឆ្នាំ២០១៦ ដែលបានស្លៀកឈុតចូលប្រកួតក្នុងកម្មវិធី Miss Earth 2017 នៅប្រទេសហ្វីលីពីន ដែលមានឈ្មោះថា "នាងឧសភី" ជាឈុតតំណាងជាតិ (National Costume) ហើយម្នាក់កោតសរសើរ ពីសម្រស់របស់បរវរកញ្ញាម្នាក់នេះស្ទើរតែគ្រប់គ្នា។
ក្រោយពីចប់កម្មវិធីពិសារភោជនីហារ និងជប់លៀង ភ្ញៀវបរទេសម្នាក់ៗ ឡើងលើឆាកកម្មវិធីសុំថតជាមួយកញ្ញាឯកកម្ពុជា ស្ទើរតែគ្រប់ៗគ្នា ហើយនិងជាមួយសិល្បករ សិល្បការិនី ដែលបានបង្ហាញទេពកោសល្យដ៏ជក់ចិត្តបង្ហាញលើកឆាកអន្តរជាតិនារាត្រីនៃកម្មវិធីដ៏មានអត្ថន័យមួយនេះ។
ចុចអាន៖
-ពិសេសមែនទែន! រកឃើញម្ចាស់មកុដ Miss Global ឆ្នាំ២០១៧