Mourinho ថា Phil Jones ត្រូវគេចាក់៦ម្ជុលដើម្បីលេងប្រកួតអង់គ្លេស
- 2017-11-18 02:34:40
- ចំនួនមតិ 0 | ចំនួនចែករំលែក 0
Mourinho ថា Phil Jones ត្រូវគេចាក់៦ម្ជុលដើម្បីលេងប្រកួតអង់គ្លេស
ចន្លោះមិនឃើញ
Phil Jones ត្រូវបានគ្រូពេទ្យប្រចាំក្រុមជម្រើសជាតិអង់គ្លេសចាក់ចំនួន៦ម្ជុលដើម្បីអាចលេងប្រកួតមិត្តភាពទល់នឹងក្រុមជម្រើសជាតិអាល្លឺម៉ង់។ នេះបើតាមសម្ដីលោក Jose Mourinho។
អ្នកចាត់ការ Manchester United ប្រាប់ថា Jones មានបញ្ហាភ្លៅក្នុងការប្រកួតនោះតែគ្រូបង្វឹកមិនបានឲ្យសម្រាកទេថែមទាំងចាក់ថ្នាំស្ពឹកដើម្បីឲ្យរូបគេអាចចូលលេងបន្តទៀត។
បុរសសញ្ជាតិព័រទុយហ្គាល់បានប្រតិកម្មធ្ងន់ៗថា៖ "១៧ឆ្នាំក្នុងអាជីពជាគ្រូបង្វឹកខ្ញុំមិនដែលឲ្យកីឡាករណាម្នាក់ចាក់ថ្នាំស្ពឹកដើម្បីលេងប្រកួតមិត្តភាពបែបនេះទេ។ ខ្ញុំមិនមែនជាទេវតាឡើយ ខ្ញុំធ្លាប់ឲ្យពេទ្យចាក់ថ្នាំស្ពឹកដល់កីឡាករ តែការធ្វើបែបនេះសម្រាប់តែប្រកួតពានផ្លូវការប៉ុណ្ណោះ។ ៦ម្ជុលដើម្បីលេងប្រកួតមិត្តភាពខ្ញុំពិតជាមិនដែលឭ"។
Jones នឹងអវត្តមានប្រកួត Premier League ប៉ះ Newcastle នៅសប្ដាហ៍នេះដោយសាររបួស ប៉ុន្តែ Pogba និង Zlatan ត្រូវ Mourinho អះអាងថាមានឈ្មោះសម្រាប់ជួយក្រុម៕