តារាប្រុសកូរ៉េវ័យក្មេង ៧រូប ស័ក្ដិសមគ្រងតំណែងតួឯកបំផុត នៅជំនាន់ថ្មី
- 2017-11-19 03:06:41
- ចំនួនមតិ 0 | ចំនួនចែករំលែក 0
តារាប្រុសកូរ៉េវ័យក្មេង ៧រូប ស័ក្ដិសមគ្រងតំណែងតួឯកបំផុត នៅជំនាន់ថ្មី
ចន្លោះមិនឃើញ
ជាទូទៅមានទស្សនិកជនមិនច្រើនទេដែល ចាប់អារម្មណ៍ចំពោះតួរង ក្នុងរឿងភាគនីមួយៗ។ ទោះជាយ៉ាងណា ក៏នៅមានទស្សនិកជនខ្លះទៀត បែរជាងាកមកចាប់អារម្មណ៍ និងលង់ស្នេហ៍ចំពោះតួរង ជាពិសេសតួរងប្រុស។
ជាក់ស្ដែងសម្រាប់តារាប្រុសទាំង ៧ដែលនឹងមានវត្តមានក្នុងអត្ថបទថ្ងៃនេះ បានសម្ដែងក្នុងភាពយន្តភាគជាច្រើនមកហើយ ហើយអ្នកដែលតាមដាន និងចូលចិត្តពួកគេ តែងរំពឹងឲ្យប្រុសសង្ហាទាំងនោះ មានឱកាសគ្រងតំណែងតួឯក។
តើប្រុសសង្ហាទាំងនោះជា តារាប្រុសរូបណាខ្លះ?
១. តារាសម្ដែង Hoya
Hoya បានទទួលការចាប់អារម្មណ៍មិនធម្មតា ពេលសម្ដែងក្នុងរឿង "Reply 1997”។ ចាប់តាំងពីពេលនោះមក ប្រជាប្រិយភាពរបស់លោកក៏ចេះតែកើនឡើងៗ។
២. តារាសម្ដែង Jisoo
តារាសម្ដែងប្រុសរូបនេះ គឺជាតួអង្គប្រុសដែលទស្សនិកជនផ្ដោតការចាប់អារម្មណ៍មិនចាញ់តួឯកប៉ុន្មានទេ ពេលសម្ដែងក្នុងរឿង "Moonlight Lovers”, “Strong Woman Do Bong Soon” និង “Page Turned” ជាដើម។ ជាក់ស្ដែង តាមរយៈរឿងដែលលោកសម្ដែងទាំងនោះ នៅចុងបញ្ចប់នៃសាច់រឿង លោកតែងក្លាយជាតួកម្សត់ជានិច្ច។
៣. តារាសម្ដែង Jinyoung (សមាជិក B1A4)
មិនខុសពីតារាប្រុស ៗរូបខាងលើទេ Jinyoung គឺជាតួសម្ដែងដែលកំពុងមានការចាប់អារម្មណ៍ពីសំណាក់ទស្សនិកជន។ ជាពិសេសនៅពេលសម្ដែងក្នុងរឿង "Moonlight Lovers” ដែលជាប្រភេទរឿងភាគបុរាណ លោកទទួលបានការចាប់អារម្មណ៍ជាខ្លាំង តាមរយៈចរិតនៃតួអង្គ។
៤. តារាសម្ដែង Seo Kangjoon
ប្រជាប្រិយភាពរបស់ Kangjoon ចេះតែកើនឡើងជាលំដាប់ ដោយសារសមត្ថភាពសម្ដែងដ៏ពិសេស និងភាពស្រស់សង្ហា។ អ្នកគាំទ្រពិតជាចង់ឃើញ ប្រុសសង្ហារូបនេះក្លាយជាតួឯកណាស់។
៥. តារាសម្ដែង Shin Wonho (សមាជិកក្រុម CROSS GENE)
នៅពេលឃើញ Wonho អ្នកគាំទ្រភាគច្រើនប្រាកដជា នឹកឃើញមុនគេដល់តួអង្គ "Tae Oh” ក្នុងរឿង “Legend Of The Blue Sea”។ ជាការពិត ដោយសាររឿងនេះ កេរ្តិ៍ឈ្មោះរបស់លោកកាន់តែមានភាពល្បីល្បាញ ត្បិតមិនបានដើរជាតួឯកក៏ដោយ។ ប៉ុន្តែក្រោយបានឃើញពីសមត្ថភាព ដ៏ពិសេសរបស់ Wonho មហាជនភាគច្រើន ពិតជាចង់ឃើញលោកក្នុងរឿងថ្មី ដើរជាតួឯកប្រុសណាស់។
៦. តារាសម្ដែង Kim Minsuk
តារាសម្ដែងរូបនេះ ក៏ល្បីសុសសាយមិនចាញ់តារាប្រុសផ្សេងទៀតដែរ នៅពេលសម្ដែងជាតួរងក្នុងរឿង "ម្ចាស់ព្រះអាទិត្យ” និង "The Defendant”។ កេរ្តិ៍ឈ្មោះលោកកាន់តែមិនធម្មតា នៅពេលសម្ដែងជាតួអង្គសំខាន់មួយក្នុងរឿង "Age of Youth 2”។
៧. តារាសម្ដែង Sungjae (សមាជិកក្រុម BTOB)
តាមរយៈភាពប៉ិនប្រសប់ផ្នែកសម្ដែងដ៏អស្ចារ្យ របស់ Sungjae អ្នកស្នេហាវិស័យភាពយន្តភាគកូរ៉េជាច្រើន ប្រាថ្នាចង់ឲ្យលោកបានគ្រងជាតួឯកនៅក្នុងរឿងភាគក្រោយៗទៀត៕
ចុចអាន៖