Mac Mini បាត់មុខជាង ៣ ឆ្នាំ លេច Concept ថ្មី ឃើញចង់លង់
- 2017-11-21 01:51:15
- ចំនួនមតិ 0 | ចំនួនចែករំលែក 0
Mac Mini បាត់មុខជាង ៣ ឆ្នាំ លេច Concept ថ្មី ឃើញចង់លង់
ចន្លោះមិនឃើញ
អស់រយៈកាលប្រហែល ១ ពាន់ថ្ងៃឬជាង ៣ ឆ្នាំដែលក្រុមហ៊ុន Apple មិនវិវត្តនូវ Mac Mini ជំនាន់ថ្មី។ ប៉ុន្តែលោក Tim Cook ធ្លាប់បានបញ្ជាក់ថា ប្រភេទម៉ាស៊ីនកុំព្យូទ័រខ្នាតតូចមួយនេះ នឹងលេចមុខម្ដងទៀតនាពេលអនាគត។
ពុំមាននរណាដឹងច្បាស់ពេលណាប្រាកដទេ ផ្ទុយទៅវិញអ្នករចនា Louis Berger និស្សិតមកពីប្រទេសអាល្លឺម៉ង់ បានបង្ហាញនូវ Concept មួយក្រោមចំណងជើង Taptop ដោយចង់ផ្ដោតលើត្រកូល Mac Mini ជំនាន់ក្រោយ ដែលរំពឹងទុក។
ក្រៅពីអាចភ្ជាប់ទៅកាន់ LCD ឲ្យដំណើរការ នៅលើតួខ្លួន Mac Mini មានបំពាក់នូវមុខងារ Touch Bar និងការបញ្ជា Dock (ដូចមានលើ Mac) បន្សំមុខងារប្រព័ន្ធសុវត្ថិភាព Face ID ដើម្បីបើកដំណើរការម៉ាស៊ីនកាន់តែរហ័ស។
Mac Mini ចេញជំនាន់ចុងក្រោយបង្អស់ នៅថ្ងៃទី ១៦ តុលា ឆ្នាំ ២០១៤។ វាមានទម្ងន់ខ្លួនត្រឹម ១.២ គីឡូក្រាម ប៉ុន្តែជំនាន់ដំបូងមានប្រើ CPU Intel Core i5 ភ្ជាប់ជម្រើស RAM 4/8/16GB ប្រភេទ DDR3 នៅល្បឿន 1600MHz ទើបដល់ការវិវត្តម៉ាស៊ីននាពេលក្រោយៗនេះ អាចដំឡើងដល់ជំនាន់ Core i7 តែម្ដង។
ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា Like Page Sabay News Technology... អានអត្ថបទបន្ទាប់